യുഎഇയില്‍ നവംബര്‍ മാസത്തിലെ ഇന്ധനവില പ്രഖ്യാപിച്ചു. പുതിയ പെട്രോള്‍, ഡീസല്‍ വില ഇന്ന് മുതല്‍ പ്രാബല്യത്തില്‍ വരും. പെട്രോളിനും ഡീസലിനും വില കുറഞ്ഞു.
സൂപ്പര്‍ 98 പെട്രോള്‍ ലിറ്ററിന് 2.63 ദിര്‍ഹം ആണ് പുതിയ വില. ഒക്ടോബര്‍ മാസം ഇത് ലിറ്ററിന് 2.77 ദിര്‍ഹം ആയിരുന്നു. സ്‌പെഷ്യല്‍ 95 പെട്രോള്‍ ലിറ്ററിന് 2.51 ദിര്‍ഹം ആണ് നവംബര്‍ മാസത്തിലെ വില. ഒക്ടോബര്‍ മാസത്തില്‍ വില 2.66 ദിര്‍ഹം ആയിരുന്നു. ഇ പ്ലസ് 91 പെട്രോള്‍ ലിറ്ററിന് 2.44 ദിര്‍ഹം ആണ് പുതിയ വില.
ഒക്ടോബറില്‍ 2.58 ദിര്‍ഹം ആയിരുന്നു. ഡീസലിനും വില കുറഞ്ഞിട്ടുണ്ട്. ഡീസല്‍ ലിറ്ററിന് 2.67 ദിര്‍ഹം ആണ് പുതിയ വില. കഴിഞ്ഞ മാസം 2.71 ദിര്‍ഹം ആയിരുന്നു. യുഎഇ ഇന്ധന വില നിര്‍ണയ സമിതിയാണ് പെട്രോള്‍, ഡീസല്‍ നിരക്കുകള്‍ നിര്‍ണയിക്കുന്നത്.
Facebook
Twitter
