17 കാരിയ്ക്ക് ബ്രെയ്ന്‍ ട്യൂമറാണെന്ന് തിരിച്ചറിയുമ്പോള്‍ അവള്‍ ഏഴുമാസം ഗര്‍ഭിണി ; മൂന്ന് മുതല്‍ 9 മാസം വരെ ആയുസ് പ്രവചിച്ച് ഡോക്ടറും ; മരണത്തിന് കീഴടങ്ങും മുമ്പ് ഈ കുഞ്ഞു പുഞ്ചിരി ആസ്വദിച്ച് പെണ്‍കുട്ടി...

17 കാരിയ്ക്ക് ബ്രെയ്ന്‍ ട്യൂമറാണെന്ന് തിരിച്ചറിയുമ്പോള്‍ അവള്‍ ഏഴുമാസം ഗര്‍ഭിണി ; മൂന്ന് മുതല്‍ 9 മാസം വരെ ആയുസ് പ്രവചിച്ച് ഡോക്ടറും ; മരണത്തിന് കീഴടങ്ങും മുമ്പ് ഈ കുഞ്ഞു പുഞ്ചിരി ആസ്വദിച്ച് പെണ്‍കുട്ടി...
മരണം താമസിയാതെ പിടികൂടുമെന്ന ചിന്ത എല്ലാവരേയും ഭയപ്പെടുത്തുന്ന കാര്യം തന്നെയാണ്. പെന്‍സില്‍വാനിയയിലെ 17 കാരിയായ ഡാന സ്‌കാട്ടന്‍ മരണത്തെ പ്രതീക്ഷിക്കുമ്പോഴും ഒരു വശത്ത് ആശ്വാസമായി കൂട്ടിന് ഒരു കുഞ്ഞുണ്ട്. മൂന്ന് മുതല്‍ ഒമ്പത് മാസം വരെ മാത്രമാണ് ഡോക്ടര്‍മാര്‍ ഈ കൗമാരക്കാരിക്ക് ആയുസ് വിധിച്ചിരിക്കുന്നത്. അവിഹിത ബന്ധത്തില്‍ പിറന്ന ആരോഗ്യമുള്ള കുഞ്ഞാണ് ഇപ്പോള്‍ ഈ പെണ്‍കുട്ടിയുടെ ഏക ആശ്വാസം.

ഏഴ് മാസം ഗര്‍ഭിണിയായിരിക്കുമ്പോഴായിരുന്നു ഡാനയ്ക്ക് ഡിഐപിജി എന്ന ചികിത്സിച്ച് ഭേദമാക്കാന്‍ സാധിക്കാത്തെ ബ്രെയിന്‍ ട്യൂമര്‍ സ്ഥിരീകരിക്കപ്പെട്ടത്. ഒടുവില്‍ ജനുവരി നാലിന് ഡാന പെണ്‍കുഞ്ഞിന് ജന്മം നല്‍കി. ഈ രോഗം ബാധിച്ചവരില്‍ 90 ശതമാനവും രക്ഷപ്പെടാന്‍ സാധ്യത ഒരു ശതമാനം മാത്രമാണ്. രോഗം ബാധിച്ച് 18 മാസങ്ങള്‍ക്കുള്ളില്‍ തന്നെ രോഗികള്‍ മരിച്ചുപോവുന്നതാണ് പതിവ്. ആഴ്ചയില്‍ അഞ്ചു പ്രാവശ്യമാണ് ഡാനയെ ട്രീറ്റ്‌മെന്റിനു വിധേയയാക്കുന്നത്. ഇന്ന് ഡാന ഹോസ്പിറ്റലില്‍ വച്ച് അവളുടെ 18ാം ജന്മദിനം ആഘോഷിക്കാന്‍ പോവുകയാണ്.

അധികം ജീവിക്കില്ലെന്ന് ഡോക്ടര്‍മാര്‍ പ്രവചിച്ചതോടെ ട്രീറ്റ്‌മെന്റ് ആരംഭിക്കുന്നതിന് മുമ്പ് കുട്ടിക്ക് ജന്മമേകാനായിരുന്നു ഡാന പദ്ധതിയിട്ടിരുന്നത്. എന്നാല്‍ ട്യൂമര്‍ പ്രതീക്ഷിച്ചതിനേക്കാള്‍ വേഗത്തില്‍ ഡാനയെ കീഴ്‌പ്പെടുത്തുകയും ആരോഗ്യ പ്രശ്‌നങ്ങള്‍ രൂക്ഷമാവുകയും ചെയ്തതിനെ തുടര്‍ന്ന് ചികിത്സ നേരത്തെ ആരംഭിക്കാന്‍ ഡാന നിര്‍ബന്ധിതയായത്. ജനുവരി നാലിന് പിറന്ന കുട്ടിക്ക് ആരീസ് മാരി എന്നാണ് പേരിട്ടിരിക്കുന്നത്. നിലവില്‍ നിയോനാറ്റാല്‍ ഇന്റന്‍സീവ് യൂണിറ്റിലാണ് കുഞ്ഞിനെ കിടത്തിയിരിക്കുന്നത്. നല്ലൊരു കുഞ്ഞ് തനിക്ക് പിറന്നിരിക്കുന്നതിനാല്‍ താന്‍ ട്യൂമറിനെതിരായ യുദ്ധത്തില്‍ വിജയിച്ചുവെന്നാണ് ഡാന പ്രതികരിച്ചിരിക്കുന്നത്.

ബ്രെയിന്‍ ട്യൂമറിന്റെ ലക്ഷണങ്ങളായി ശ്വാസ തടസം, ഉറക്കത്തിനും ഭക്ഷണം കഴിയ്ക്കാനുള്ള ബുദ്ധിമുട്ടും റേഡിയേഷന്‍ തുടങ്ങിയതിന് ശേഷം ഇവ വഷളാകാതെ തടയാന്‍ സാധിച്ചിരുന്നു. 13 വര്‍ഷം നൃത്തം പ്രാക്ടീസ് ചെയ്ത ഡാന സോക്കര്‍ കളിയിലും ബാസ്‌കറ്റ് ബോളിലും തന്റെ പ്രാവീണ്യം തെളിയിച്ചിരുന്നു. എന്നാല്‍ ഇപ്പോള്‍ ദൈന്യംദിന കാര്യങ്ങള്‍ പോലും ചെയ്യാനാകാതെ കിടപ്പിലായിരിക്കുകയാണ്.



Other News in this category



4malayalees Recommends