ബംഗ്ലാദേശ് വിമാനം നേപ്പാളില്‍ തകര്‍ന്നുവീണു;വിമാനത്തിലുണ്ടായിരുന്നത് 71 യാത്രക്കാര്‍;അനേകം പേര്‍ മരിച്ചതായി റിപ്പോര്‍ട്ട്

ബംഗ്ലാദേശ് വിമാനം നേപ്പാളില്‍ തകര്‍ന്നുവീണു;വിമാനത്തിലുണ്ടായിരുന്നത് 71 യാത്രക്കാര്‍;അനേകം പേര്‍ മരിച്ചതായി റിപ്പോര്‍ട്ട്
കാഠ്മണ്ഡു:ബംഗ്ലാദേശ് യാത്രാവിമാനം നേപ്പാളിലെ കാഠ്മണ്ഡുവില്‍ തകര്‍ന്നുവീണു. 71 യാത്രക്കാരുണ്ടായിരുന്ന വിമാനം ലാന്‍ഡിംഗിനിടെയാണ് തകര്‍ന്നുവീണത്. വിമാനത്തിലുണ്ടായിരുന്ന 17 പേരെ രക്ഷപ്പെടുത്തിയിട്ടുണ്ട്. വിമാനത്തിലുണ്ടായിരുന്ന മറ്റ് യാത്രക്കാരെക്കുറിച്ചുള്ള വിവരം ലഭ്യമായിട്ടില്ല. ബംഗ്ലാദേശ് തലസ്ഥാനമായ ധാക്കയില്‍ നിന്ന് പുറപ്പെട്ട യുഎസ്- ബംഗ്ല എയര്‍ലൈന്‍സ് വിമാനമാണ് ലാന്‍ഡിംഗിനിടെ തകര്‍ന്നുവീണത്. വിമാനത്തിലുണ്ടായിരുന്ന മറ്റ് യാത്രക്കാരെക്കുറിച്ചുള്ള വിവരങ്ങള്‍ ലഭ്യമായിട്ടില്ലെന്ന് എയര്‍പോര്‍ട്ട് വക്താവ് ബൈരേന്ദ്ര പ്രസാദ് ശ്രേഷ്ഠ വ്യക്തമാക്കിയിട്ടുണ്ട്. തീയണയ്ക്കുന്നതിനുള്ള ശ്രമങ്ങളാണ് തുടര്‍ന്നുവരുന്നത്.

അപകടത്തിന്റെ വീഡിയോയും ചിത്രങ്ങളും സോഷ്യല്‍മീഡിയകളില്‍ പ്രചരിക്കുന്നുണ്ട്.

Other News in this category



4malayalees Recommends