യുഎസ് ഇന്ത്യ പോലുള്ള രാജ്യങ്ങളുമായി പുതിയതും ശക്തമായതുമായ ബന്ധം സ്ഥാപിക്കുമെന്ന് യുഎസ് വൈസ് പ്രസിഡന്റ്; ലക്ഷ്യം സ്വതന്ത്രവും തുറന്നതുമായ ഇന്‍ഡോ-പസിഫിക്ക് നയത്തെ പരിപോഷിപ്പിക്കലെന്ന് മൈക്ക് പെന്‍സ്; പുതിയ കരാറുകളാരംഭിച്ചു

യുഎസ് ഇന്ത്യ പോലുള്ള രാജ്യങ്ങളുമായി പുതിയതും ശക്തമായതുമായ ബന്ധം സ്ഥാപിക്കുമെന്ന് യുഎസ് വൈസ് പ്രസിഡന്റ്; ലക്ഷ്യം സ്വതന്ത്രവും തുറന്നതുമായ ഇന്‍ഡോ-പസിഫിക്ക് നയത്തെ പരിപോഷിപ്പിക്കലെന്ന് മൈക്ക് പെന്‍സ്; പുതിയ കരാറുകളാരംഭിച്ചു
ഇന്ത്യ പോലുള്ള രാജ്യങ്ങളുമായി യുഎസ് പുതിയതും ശക്തമായതുമായ ബന്ധം സ്ഥാപിക്കുമെന്ന് വെളിപ്പെടുത്തി യുഎസ് വൈസ് പ്രസിഡന്റ് മൈക്ക് പെന്‍സ് രംഗത്തെത്തി. ഇതിലൂടെ സ്വതന്ത്രവും തുറന്നതുമായ ഇന്‍ഡോ-പസിഫിക്ക് നയത്തെ പരിപോഷിപ്പിക്കാനാണ് ഇതെന്നും പെന്‍സ് വിശദീകരിക്കുന്നു. ചൈന ഈ പ്രദേശത്ത് അതിന്റെ സൈനിക ശക്തി വര്‍ധിപ്പിക്കുന്നതിനാലാണീ പുതിയ നിലപാടെന്നും അദ്ദേഹം പറയുന്നു.

തങ്ങളുടെ ഏറ്റവും വലുതും പഴയതുമായ മിലിട്ടറി കമാന്‍ഡായ ദി പസിഫിക്ക് കമാന്‍ഡിനെ യുഎസ് അടുത്തിടെ ഇന്‍ഡോ-പസിഫിക്ക് കമാന്‍ഡ് എന്ന് പുനര്‍നാമകരണം നടത്തയിരുന്നു. ഇന്ത്യയ്ക്ക് ഈ മേഖലയിലുള്ള പ്രാധാന്യം വര്‍ധിച്ചുവെന്ന സൂചന നല്‍കുന്നതായിരുന്നു യുഎസിന്റെ ഈ നടപടി. ഇതിന്റെ ഭാഗമായി ഈ മേഖലയിലെ ഇന്ത്യ മുതല്‍ സമോവ വരെയുള്ള രാജ്യങ്ങളുമായുള്ള ബന്ധത്തില്‍ കാര്യമായ മാറ്റം വരുത്താനാണ് യുഎസ് ആരംഭിച്ചിരിക്കുന്നതെന്നും പെന്‍സ് എടുത്ത് കാട്ടുന്നു.

പരസ്പര ബഹുമാനത്തോടെയും പങ്കാളിത്തത്തോടെയുമാണ് ഈ സഹകരണമെന്നും മറിച്ച് അധീശത്വ മനോഭാവത്തോടെയായിരിക്കില്ലെന്നും വൈസ് പ്രസിഡന്റ് വെളിപ്പെടുത്തുന്നു. സുപ്രധാന അമേരിക്കന്‍ വിദഗ്ധ സമിതിയായ ഹഡ്‌സന്‍ ഇന്‍സ്റ്റിറ്റ്യൂട്ടില്‍ വ്യാഴാഴ്ച നടത്തിയ ഒരു സുപ്രധാന പ്രസംഗത്തിലാണ് പെന്‍സ് ഈ വക കാര്യങ്ങള്‍ വെളിപ്പെടുത്തിയിരിക്കുന്നത്. ഉഭയകക്ഷി അടിസ്ഥാനത്തില്‍ ഇതിന്റെ ഭാഗമായി ഈ മേഖലയിലെ ചില രാജ്യങ്ങളുമായി പുതിയ വ്യാപാരക്കരാറുകള്‍ ഒപ്പ് വയ്ക്കാനാരംഭിച്ചുവെന്നും പെന്‍സ് പറയുന്നു. സൗത്ത് കൊറിയയുമായി ട്രംപ് കഴിഞ്ഞ ആഴ്ച കരാര്‍ ഒപ്പ് വച്ചുവെന്നും ജപ്പാനുമായി അടുത്ത് തന്നെ കരാറുണ്ടാക്കുമെന്നും പെന്‍സ് എടുത്ത് കാട്ടുന്നു.

Other News in this category



4malayalees Recommends