ഗ്രേറ്റ് ബ്രിട്ടണ്‍ രൂപതാ രണ്ടാം വാര്‍ഷികത്തില്‍ മാര്‍ ആന്‍ഡ്രൂസ് താഴത്ത് മുഖ്യാതിഥി

ഗ്രേറ്റ് ബ്രിട്ടണ്‍ രൂപതാ രണ്ടാം വാര്‍ഷികത്തില്‍ മാര്‍ ആന്‍ഡ്രൂസ് താഴത്ത് മുഖ്യാതിഥി
പ്രസ്റ്റണ്‍ ; ഗ്രേറ്റ് ബ്രിട്ടണ്‍ സീറോ മലബാര്‍ രൂപതാ ഔദ്യോഗികമായി ആരംഭിച്ചതിന്റെയും പ്രഥമ മെത്രാനായി മാര്‍ ജോസഫ് മാര്‍ ജോസഫ് സ്രാമ്പിക്കല്‍ നിയമിതനായതിന്റെയും രണ്ടാം വാര്‍ഷികം ഇന്ന് പ്രസ്റ്റണ്‍ സെന്റ് അല്‍ഫോന്‍സാ കത്തീഡ്രല്‍ ദേവാലയത്തില്‍ ആഘോഷിക്കുമ്പോള്‍ മുഖ്യാതിഥിയായി തൃശൂര്‍ അതിരൂപതാധ്യക്ഷന്‍ മാര്‍ ആന്‍ഡ്രൂസ് താഴത്ത് പങ്കെടുക്കും. രാവിലെ 11 മണിയ്ക്ക് നടക്കുന്ന ദിവ്യബലിയ്ക്ക് മാര്‍ ആന്‍ഡ്രൂസ് താവത്തും മാര്‍ ജോസഫ് സ്രാമ്പിക്കലും മുഖ്യ കാര്‍മികത്വം വഹിക്കും.

ദിവ്യബലിക്ക് ശേഷം വൈദീക അല്‍മായ പ്രതിനിധികളുടെ സംയുക്ത സമ്മേളനം നടക്കും. രൂപതയുടെ വളര്‍ച്ചയുടെ അടുത്ത പടിയായ മിഷന്‍ സെന്ററുകളെ കുറിച്ചും ബൈബിള്‍ കലോത്സവം , രണ്ടാം അഭിഷേകാഗ്നി കണ്‍വെന്‍ഷന്‍ തുടങ്ങിയവയെ കുറിച്ചും സമ്മേളനം വിലയിരുത്തും. രൂപതയുടെ വിവിധ വി. കുര്‍ബ്ബാന കേന്ദ്രങ്ങളില്‍ ശുശ്രൂഷ ചെയ്യുന്ന വൈദീകരും വിവിധ സ്ഥലങ്ങളില്‍ നിന്നുള്ള അല്‍മായ പ്രതിനിധകളും തിരുകര്‍മ്മങ്ങളിലും സമ്മേളനത്തിലും പങ്കുചേരും. രൂപതയുടെ രണ്ടാം വാര്‍ഷികത്തില്‍ പങ്കുചേരാന്‍ മാര്‍ ആന്‍ഡ്രൂസ് താഴത്ത് കഴിഞ്ഞ ശനിയാഴ്ചയാണ് യുകെയില്‍ എത്തിച്ചേര്‍ന്നത് .

Other News in this category



4malayalees Recommends