സുഹൃത്തിന്റെ പിറന്നാള്‍ ആഘോഷിക്കാന്‍ പോയ 15 കാരിയെ മയക്കുമരുന്നു നല്‍കി പീഡിപ്പിച്ചു

സുഹൃത്തിന്റെ പിറന്നാള്‍ ആഘോഷിക്കാന്‍ പോയ 15 കാരിയെ മയക്കുമരുന്നു നല്‍കി പീഡിപ്പിച്ചു
ഹോട്ടല്‍ റൂമില്‍വച്ച് പതിനഞ്ചുകാരി കൂട്ടബലാത്സംഗത്തിന് ഇരയായി. സുഹൃത്തടക്കം അഞ്ച് പേര്‍ ചേര്‍ന്നാണ് പെണ്‍കുട്ടിയെ ബലാത്സംഗത്തിന് ഇരയാക്കിയത്. ഗാസിയാബാദിലെ ബസരിയ മാര്‍ക്കറ്റിലെ ഒരു ഹോട്ടലില്‍ സെപ്തംബര്‍ 25നാണ് സംഭവം.സുഹൃത്തിന്റെ പിറന്നാള്‍ ആഘോഷത്തില്‍ പങ്കെടുക്കുന്നതിനായി പോയതായിരുന്നു പെണ്‍കുട്ടി. ആഘോഷത്തിനിടെ യുവാക്കള്‍ പെണ്‍കുട്ടിക്ക് മയക്ക് മരുന്ന് കലര്‍ത്തി പാനീയം നല്‍കി. തുടര്‍ന്ന് അബോധാവസ്ഥയിലായ പെണ്‍കുട്ടിയെ യുവാക്കള്‍ ഹോട്ടലിലെത്തിച്ച് പീഡിപ്പിക്കുകയായിരുന്നുവെന്ന് പൊലീസ് സൂപ്രണ്ട് ശ്ലോക് കുമാര്‍ പറഞ്ഞു.

സംഭവത്തിന്റെ ദൃശ്യങ്ങള്‍ യുവാക്കള്‍ ചിത്രീകരിക്കുകയും സമൂഹമാധ്യമങ്ങളിലൂടെ പ്രചരിപ്പിക്കുകയും ചെയ്തിരുന്നു. ഇത് സംബന്ധിച്ച് എന്തെങ്കിലും കാര്യങ്ങള്‍ ആരോടെങ്കിലും പറയുകയോ പൊലീസില്‍ പരാതിപ്പെടുകയോ ചെയ്താല്‍ കൊല്ലുമെന്ന് ഭീഷണിപ്പെടുത്തിയതിനാല്‍ ഇത്രയും ദിവസം പെണ്‍കുട്ടി വിവരങ്ങള്‍ ഒളിച്ചു വയ്ക്കുകയായിരുന്നു. എന്നാല്‍ പെണ്‍കുട്ടി ഈ വിവരം പിന്നീട് മാതാപിതാക്കളെ അറിയിക്കുകയും അവര്‍ പൊലീസില്‍ പരാതി നല്‍കുകയുമായിരുവെന്ന് എസ്പി പറഞ്ഞു.

മാതാപിതാക്കളുടെ പരാതിയില്‍ യുവാക്കള്‍ക്കെതിരെ പോക്‌സോ നിയമപ്രകാരം കേസടുത്തു. സംഭവത്തിന് ശേഷം ഒളിവില്‍ പോയ പ്രതികളില്‍ ഒരാളെ അറസ്റ്റ് ചെയ്തതായും ബാക്കിയുള്ളവര്‍ക്കായി അന്വേഷണം ആരംഭിച്ചതായും പൊലീസ് പറഞ്ഞു.

Other News in this category



4malayalees Recommends