കര്‍ണാടകയിലെ കലബുറഗിയില്‍ ഇന്‍സ്റ്റാഗ്രാം റീലിനായി കൊലപാതക രംഗം ചിത്രീകരിക്കാന്‍ ശ്രമിച്ചത് ആളുകളെ പരിഭ്രാന്തിയിലാക്കി. സംഭവത്തില്‍ രണ്ട് പേരെ അറസ്റ്റ് ചെയ്തതായി പൊലീസ് പറഞ്ഞു. ഹംനാബാദ് റിംഗ് റോഡിലായിരുന്നു യുവാക്കളുടെ സാഹസികത. സൈബന്ന, സച്ചിന്‍ എന്നിവരാണ് കൊലപാതകം അഭിനയിച്ച് അറസ്റ്റിലായത്. കൊലപാതക രം?ഗം ചിത്രീകരിക്കാന്‍ മൂര്‍ച്ചയുള്ള ആയുധവും ചുവന്ന ദ്രാവകവും ഉപയോഗിച്ചു.
സച്ചിന്‍ 'രക്തത്തില്‍ കുളിച്ച' നിലത്ത് കിടക്കുമ്പോള്‍, മൂര്‍ച്ചയുള്ള വസ്തു ഉപയോഗിച്ച് കൊലപ്പെടുത്തിയതായി നടിച്ച് സൈബന്ന സച്ചിന്റെ മേല്‍ ഇരുന്നു. ഇരുവരുടെയും മുഖം 'രക്തത്തില്‍ കുളിച്ച' നിലയിലായിരുന്നുവെന്ന് പൊലീസ് പറഞ്ഞു. സംഭവത്തിന്റെ ഒരു വീഡിയോയും വൈറലായിട്ടുണ്ട്. സംഭവം അഭിനയമാണെന്ന് അറിയാതെ ആളുകള്‍ പരിഭ്രാന്തിയിലായി. സംഭവം ഉടന്‍ പൊലീസിനെ അറിയിച്ചു. പൊലീസെത്തി ഇരുവരെയും അറസ്റ്റ് ചെയ്തു. രണ്ടുപേരെയും ചോദ്യം ചെയ്തുവരികയാണെന്ന് ഉദ്യോഗസ്ഥന്‍ പറഞ്ഞു.
Facebook
Twitter
