എയര് ഇന്ത്യയുടെ ചീഫ് എക്സിക്യൂട്ടീവ് ഓഫീസര്(സിഇഒ) കാംപ്ബെല് വില്സണ് രാജിവെച്ചതായി റിപ്പോര്ട്ട്. 2027 ജൂലായ് വരെ കാലാവധിയിരിക്കെയാണ് കാംപ്ബെല് വില്സണ് എയര് ഇന്ത്യയുടെ പടിയിറങ്ങുന്നത്. അതേസമയം, എന്താണ് രാജിക്ക് കാരണമെന്നോ രാജിസംബന്ധിച്ച സ്ഥിരീകരണമോ ഇതുവരെ ലഭ്യമല്ല.
2022-ലാണ് കാംപ്ബെല് വില്സണ് എയര് ഇന്ത്യയുടെ സിഇഒയായും മാനേജിങ് ഡയറക്ടറായും നിയമിതനായത്. അഞ്ചുവര്ഷത്തേക്കായിരുന്നു നിയമനം. വ്യോമയാന മേഖലയില് മൂന്നുപതിറ്റാണ്ടിലേറെ പ്രവൃത്തിപരിചയമുള്ള അദ്ദേഹം വിവിധ രാജ്യങ്ങളില് ജോലിചെയ്തിട്ടുണ്ട്.
എയര്ഇന്ത്യയില് ചേരുന്നതിന് മുന്പ് സിങ്കപ്പുര് എയര്ലൈന്സിന് കീഴിലുള്ള 'സ്കൂട്ടി'-ന്റെ സിഇഒയായിരുന്നു അദ്ദേഹം. 1996-ല് ന്യൂസിലാന്ഡില് മാനേജ്മെന്റ് ട്രെയിനിയായിട്ടാണ് സിങ്കപ്പുര് എയര്ലൈന്സില് കാംപ്ബെല്ലിന്റെ കരിയര് ആരംഭിക്കുന്നത്. പിന്നീട് കാനഡ, ഹോങ്കോങ്, ജപ്പാന് തുടങ്ങിയ രാജ്യങ്ങളിലായി സിങ്കപ്പുര് എയര്ലൈന്സില് വിവിധ പദവികള് വഹിച്ചു.
Facebook
Twitter
