കോളേജില് എന്റെ ജൂനിയര്, നല്ല സുഹൃത്തും സഹോദരനും, സന്തോഷിന്റെ വേര്പാടില് വേദനയോടെ ആദരാഞ്ജലികള്; മോഹന്ലാല്
അന്തരിച്ച നടന് സന്തോഷ് നായര്ക്ക് ആദരാഞ്ജലികള് അര്പ്പിച്ച് മോഹന്ലാല്. സന്തോഷ് കോളേജില് തന്റെ ജൂനിയര് ആയിരുന്നു എന്നും ആ കാലം തൊട്ടേ നല്ലൊരു സുഹൃത്തും സഹോദരനുമായിരുന്നു എന്നും മോഹന്ലാല് കുറിച്ചു. പത്തനംതിട്ട ഏനാത്ത് സന്തോഷ് നായര് സഞ്ചരിച്ച കാര് വാനുമായി കൂട്ടിയിടിച്ചാണ് അപകടം ഉണ്ടായത്. അപകടത്തില് സന്തോഷിന്റെ ഭാര്യയ്ക്കും പരിക്കേറ്റിരുന്നു.
'ഏറെ വിഷമിപ്പിക്കുന്ന ഒരു ദു:ഖവാര്ത്തയാണ് ഇന്ന് രാവിലെ കേട്ടത്. വ്യക്തിപരമായി ഒരുപാട് അടുപ്പമുള്ള പ്രിയപ്പെട്ട സന്തോഷ് ഒരു വാഹനാപകടത്തില് ഈ ലോകത്തോട് വിടപറഞ്ഞു. കോളേജില് എന്റെ ജൂനിയറായിരുന്നു സന്തോഷ്. ആ കാലം തൊട്ടേ നല്ലൊരു സുഹൃത്തും സഹോദരനുമായിരുന്നു അദ്ദേഹം എനിക്ക്. ഒട്ടനവധി സിനിമകളില് ഞങ്ങള് ഒന്നിച്ചു പ്രവര്ത്തിച്ചിട്ടുണ്ട്. തലയെടുപ്പുള്ള വ്യക്തിത്വമായി, ഏവരുടേയും സ്നേഹം പിടിച്ചുപറ്റിയ നല്ലൊരു മനസ്സിന്റെയുടമ. സന്തോഷിന്റെ അകാലത്തിലുള്ള വേര്പാടില് വേദനയോടെ ആദരാഞ്ജലികള്', മോഹന്ലാലിന്റെ വാക്കുകള്.
Facebook
Twitter
