ബ്രിട്ടനില്‍ ആനുകൂല്യങ്ങളും പെന്‍ഷനും കൈപ്പറ്റുന്നത് 20 ലക്ഷത്തോളം വിദേശികള്‍; ചെലവ് 2,300 കോടി പൗണ്ട് ; ബ്രിട്ടീഷ് പൗരത്വമില്ലാത്ത 13 ലക്ഷം പേര്‍ യൂണിവേഴ്‌സല്‍ ക്രെഡിറ്റ് ഉള്‍പ്പെടെയുള്ള ആനുകൂല്യങ്ങള്‍ കൈപ്പറ്റുന്നതായി കണക്കുകള്‍

ബ്രിട്ടനില്‍ ആനുകൂല്യങ്ങളും പെന്‍ഷനും കൈപ്പറ്റുന്നത് 20 ലക്ഷത്തോളം വിദേശികള്‍; ചെലവ് 2,300 കോടി പൗണ്ട് ; ബ്രിട്ടീഷ് പൗരത്വമില്ലാത്ത 13 ലക്ഷം പേര്‍ യൂണിവേഴ്‌സല്‍ ക്രെഡിറ്റ് ഉള്‍പ്പെടെയുള്ള ആനുകൂല്യങ്ങള്‍ കൈപ്പറ്റുന്നതായി കണക്കുകള്‍
ബ്രിട്ടനില്‍ ഏകദേശം 20 ലക്ഷത്തോളം വിദേശ പൗരന്മാര്‍ സര്‍ക്കാര്‍ ആനുകൂല്യങ്ങളോ സ്റ്റേറ്റ് പെന്‍ഷനോ കൈപ്പറ്റുന്നതായി റിപ്പോര്‍ട്ട്. സെന്റര്‍ ഫോര്‍ സോഷ്യല്‍ ജസ്റ്റിസ് (ഇടഖ) നടത്തിയ പഠനത്തിലാണ് ഇതുസംബന്ധിച്ച കണക്കുകള്‍ പുറത്തുവന്നത്. വിദേശികള്‍ക്കായി ചെലവഴിക്കുന്ന തുക കഴിഞ്ഞ വര്‍ഷം 2,300 കോടി പൗണ്ടായിരുന്നുവെന്നും ഈ ദശകത്തിന്റെ അവസാനത്തോടെ ഇത് 2,700 കോടി പൗണ്ടായി ഉയരുമെന്നുമാണ് വിലയിരുത്തല്‍.

ബ്രിട്ടീഷ് പൗരത്വമില്ലാത്ത 13 ലക്ഷം പേര്‍ യൂണിവേഴ്‌സല്‍ ക്രെഡിറ്റ് ഉള്‍പ്പെടെയുള്ള ആനുകൂല്യങ്ങള്‍ കൈപ്പറ്റുന്നുണ്ട്. ഇതില്‍ ബ്രെക്‌സിറ്റിന് ശേഷം ബ്രിട്ടനില്‍ തുടരുന്ന 7.45 ലക്ഷം യൂറോപ്യന്‍ പൗരന്മാരും ഉള്‍പ്പെടുന്നു. കൂടാതെ, പേഴ്‌സണല്‍ ഇന്‍ഡിപെന്‍ഡന്‍സ് പേയ്‌മെന്റ്, ഡിസബിലിറ്റി ലിവിങ് അലവന്‍സ് തുടങ്ങിയ ആരോഗ്യ-വൈകല്യ ആനുകൂല്യങ്ങള്‍ 2 ലക്ഷം വിദേശികള്‍ കൈപ്പറ്റുന്നതായും പഠനം വ്യക്തമാക്കുന്നു. ഏകദേശം നാല് ലക്ഷം വിദേശ പൗരന്മാര്‍ ബ്രിട്ടീഷ് സ്റ്റേറ്റ് പെന്‍ഷനും ലഭിക്കുന്നുണ്ട്.

സമീപ വര്‍ഷങ്ങളിലുണ്ടായ കുടിയേറ്റ വര്‍ധനയ്‌ക്കൊപ്പമാണ് ക്ഷേമപദ്ധതികള്‍ക്കായുള്ള ചെലവും ഉയര്‍ന്നതെന്ന് ഇടഖ ചൂണ്ടിക്കാട്ടി. സ്ഥിരതാമസത്തിനുള്ള അനുമതി ലഭിക്കുന്നതോടെ കുടിയേറ്റക്കാര്‍ക്ക് ചില ആനുകൂല്യങ്ങള്‍ക്ക് അര്‍ഹത ലഭിക്കുന്നതും ഇതിന് കാരണമായി റിപ്പോര്‍ട്ട് ചൂണ്ടിക്കാട്ടുന്നു. കഴിഞ്ഞ പത്ത് വര്‍ഷത്തിനിടെ ബ്രിട്ടനില്‍ സൃഷ്ടിക്കപ്പെട്ട പുതിയ തൊഴിലുകളില്‍ അഞ്ചില്‍ നാലെണ്ണവും കുടിയേറ്റക്കാര്‍ക്കാണ് ലഭിച്ചതെന്നും സംഘടന നേരത്തെ വെളിപ്പെടുത്തിയിരുന്നു.

Other News in this category



4malayalees Recommends