സിപിഎമ്മിന്റെ സ്ഥാനാര്‍ത്ഥി പട്ടിക അണികളെ നോക്കി പരിഹസിക്കുന്നതാണെന്ന് കെ.കെ രമ

സിപിഎമ്മിന്റെ സ്ഥാനാര്‍ത്ഥി പട്ടിക അണികളെ നോക്കി പരിഹസിക്കുന്നതാണെന്ന് കെ.കെ രമ

തിരുവനന്തപുരം: വരുന്ന ലോക്‌സഭാ തെരഞ്ഞെടുപ്പ് സിപിഎമ്മിന്റെ അടിവേര് തോണ്ടാന്‍ പോകുന്നതായിരിക്കുമെന്ന് ആര്‍.എം.പി നേതാവ് കെ.കെ. രമ. തിരുവനന്തപുരം ലോക്‌സഭാ മണ്ഡലത്തിലെ ഇടതുപക്ഷ ഐക്യമുന്നണി സ്ഥാനാര്‍ത്ഥി ഷാജര്‍ ഖാന്റെ തെരഞ്ഞെടുപ്പ് കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു രമ. സിപിഎം ജനങ്ങളില്‍ നിന്ന് വളരെ അകന്ന് പോയിരിക്കുന്നു. സിപിഎമ്മിന്റെ സ്ഥാനാര്‍ത്ഥി പട്ടിക അണികളെ നോക്കി പരിഹസിക്കുന്നതാണ്. രാഷ്ട്രീയത്തിന്റെ കണിക പോലുമില്ലാത്ത നേതാക്കളാണ് സിപിഎമ്മിന്റെ സ്ഥാനാര്‍ത്ഥികളെന്നും രമ ആരോപിച്ചു. കോണ്‍ഗ്രസുകാരനും വിദ്യാഭ്യാസ കച്ചവടക്കാരനുമൊക്കെയാണ് സിപിഎം സ്ഥാനാര്‍ത്ഥികള്‍. സിപിഎം കുത്തകകളുടെ പാര്‍ട്ടിയായിക്കഴിഞ്ഞുവെന്നും രമ പറഞ്ഞു.

മുതലാളിമാരാണ് ഇപ്പോള്‍ മന്ത്രിമാരെയും നേതാക്കളെയും തീരുമാനിക്കുന്നത്. അണികളെയും പാര്‍ട്ടിക്കാരെയും സിപിഎമ്മിന് വേണ്ടാതായിരിക്കുന്നു. പാര്‍ട്ടിക്കുള്ളിലെ അവഗണനയും വല്യേട്ടന്‍ മനോഭാവവും കാരണമാണ് ആര്‍എസ്പി മുന്നണി വിട്ടുപോയത്. എന്നാല്‍ അവരെ തിരിച്ച് വിളിക്കാനോ അനുനയിപ്പിക്കാനോ പിണറായി വിജയന്‍ തയ്യാറായില്ല. അവരെല്ലാം പോകണമെന്നാണ് പിണറായിയുടെ ആഗ്രഹം. പാര്‍ട്ടിക്ക് മുതലാളിമാരുണ്ട്. പാര്‍ട്ടിക്ക് ഇപ്പോള്‍ പണം മാത്രം മതി. ഇടതുപക്ഷത്തിന്റെ അപചയമാണിതെന്നും രമ കുറ്റപ്പെടുത്തി.

എതിര്‍ക്കുന്നവരെയെല്ലാം ഉന്മൂലനം ചെയ്യുകയാണ് സിപിഎം. കൊല്ലാനും ആക്രമിക്കാനും ആരാണ് ഇവര്‍ക്ക് അധികാരം നല്‍കിയത്. ഇടതുപക്ഷ വൈകല്യങ്ങള്‍ക്കെതിരെ സംസാരിച്ചതിനാണ് ടി.പി ചന്ദ്രശേഖരനെ ഇല്ലാതാക്കിയത്. ഒരു അമ്മയ്ക്കും ഭാര്യയ്ക്കും മകനും ഈ അവസ്ഥ ഉണ്ടാകരുത്. പോലീസ് സംരക്ഷണം നല്‍കിയിരുന്നെങ്കില്‍ ടി.പി കൊല്ലപ്പെടില്ലായിരുന്നെന്ന കോടിയേരി ബാലകൃഷ്ണന്റെ പ്രസ്താവന ഉളുപ്പും മാനവുമില്ലാത്തതിനാലാണ്. യാതൊരു ഉളുപ്പും മാനവുമില്ലാത്ത നേതാവാണ് കോടിയേരിയെന്നും അങ്ങനെയുള്ള നേതാക്കള്‍ക്ക് മാത്രമേ ഇത്തരത്തില്‍ പ്രസ്താവന നടത്താന്‍ കഴിയൂ എന്നും രമ പറഞ്ഞു. കോടിയേരി ആഭ്യന്തരമന്ത്രിയായിരുന്നപ്പോഴും നാലുതവണ ടിപിയെ കൊല്ലാന്‍ ശ്രമുണ്ടായതായി ഇന്റലിജന്‍സ് റിപ്പോര്‍ട്ട് ചെയ്തിരുന്നു. എന്നിട്ട് എന്ത് സംരക്ഷണമാണ് ലഭിച്ചതെന്നും രമ ചോദിച്ചു. സിപിഎമ്മിന്റെ പ്രവര്‍ത്തനത്തില്‍ അതൃപ്തരായ നിരവധി അണികളുണ്ട്. അവര്‍ പാര്‍ട്ടി വിട്ട് ജനകീയ ജനാധിപത്യ ഇടതുപക്ഷ ബദല്‍ ഉണ്ടാക്കണമെന്നും രമ ആവശ്യപ്പെട്ടു.

Other News in this category

  • സ്വത്ത് സംരക്ഷിക്കാന്‍ ഏല്‍പ്പിച്ചവര്‍ ശ്രീവിദ്യയെ കബളിപ്പിച്ചെന്ന് രാജ്‌മോഹന്‍ ഉണ്ണിത്താന്‍
  • പിസി ജോര്‍ജിനെ അയോഗ്യനാക്കണമെന്ന ആവശ്യം ;മാണിക്കും ജോര്‍ജിനും സ്പീക്കറുടെ നോട്ടീസ്
  • എജി ഓഫീസ് അടച്ചുപൂട്ടണമെന്ന് കേട്ടാല്‍ പ്രതികരിക്കാതിരിക്കാനാവില്ലെന്ന് മുഖ്യമന്ത്രി
  • നിലവിളക്ക് വിവാദത്തില്‍ പരസ്യ പ്രസ്താവനകള്‍ക്ക് വിലക്കേര്‍പ്പെടുത്തി ലീഗ് നേതാക്കള്‍
  • പ്രേമം സിനിമ ചോര്‍ന്നത് സെന്‍സര്‍ ബോര്‍ഡില്‍ നിന്ന് ; മൂന്ന് പേരെ അറസ്റ്റ് ചെയ്തു
  • നിലവിളക്ക് കൊളുത്തുന്നതിനെ ചൊല്ലി മുസ്ലീ ലീഗില്‍ ഭിന്നത
  • ബിസിസിഐയുടെ വിലക്കിനെതിരെ നിയമ നടപടി ആലോചിക്കുന്നതായി ശ്രീശാന്തിന്റെ അഭിഭാഷക
  • കേരളത്തിലെ എയിംസ് നഷ്ടപ്പെട്ടോ ; കേരളത്തെ കേന്ദ്ര സര്‍ക്കാര്‍ പട്ടികയില്‍ നിന്ന് ഒഴിവാക്കി
  • എജി കേസ് തോറ്റിട്ടില്ലെന്ന് മുഖ്യമന്ത്രി പറഞ്ഞത് പച്ചക്കള്ളമെന്ന് വിഎസ് അച്യുതാനന്ദന്‍
  • സംസ്‌കാരമുണ്ടെങ്കില്‍ മാത്രമേ മന്ത്രി വരുമ്പോള്‍ എഴുന്നേറ്റ് നില്‍ക്കാന്‍ കഴിയൂവെന്ന് കെ ബാബു
  • 4malayalees Recommends