മലയാളി യുവതിയെ മാനഭംഗപ്പെടുത്താന്‍ ശ്രമിച്ച മൂന്ന് മലയാളികള്‍ ഗള്‍ഫില്‍ അറസ്റ്റിലായി

മലയാളി യുവതിയെ മാനഭംഗപ്പെടുത്താന്‍ ശ്രമിച്ച മൂന്ന് മലയാളികള്‍ ഗള്‍ഫില്‍ അറസ്റ്റിലായി
ബഹ്‌റിനിലെ ഹിദ്ദിലെ പ്രശസ്ത മാളിലെ സിനിമാ തിയേറ്ററിലെ ക്ലീനിങ് തൊഴിലായിയായ മലയാളി യുവതിയെ പീഡിപ്പിക്കാന്‍ ശ്രമിച്ച സംഭവത്തില്‍ കമ്പനി ജീവനക്കാരായ മൂന്ന് മലയാളികളെ പൊലീസ് അറസ്റ്റ് ചെയ്തു. പിടിയിലായവരുടെ പേര് വിവരങ്ങള്‍ പുറത്തു വിട്ടിട്ടില്ല.

ജോലിക്കിടെ പെണ്‍കുട്ടിയെ ജീവനക്കാരന്‍ കയറിപ്പിടിക്കാന്‍ ശ്രമം നടന്നതോടെ പെണ്‍കുട്ടി നാട്ടിലേയ്ക്ക് വിളിച്ചു പറയുകയും നാട്ടില്‍ നിന്ന് ബഹ്‌റിനിലെ അവരുടെ സുഹൃത്തുക്കള്‍ മുഖേന സാമൂഹ്യപ്രവര്‍ത്തകരെ വിവരം അറിയിക്കുകയുമായിരുന്നു. തുടര്‍ന്ന് പെണ്‍കുട്ടി എംബസിയില്‍ പരാതിപ്പെടുകയും ചെയ്തു.സാമൂഹ്യ പ്രവര്‍ത്തകയുടെ സഹായത്തോടെ പൊലീസില്‍ പരാതി രേഖപ്പെടുത്തിയ ഉടന്‍ തന്നെ പൊലീസ് മാളിലെത്തി മലയാളികളായ മൂന്നു പേരെയും അറസ്റ്റ് ചെയ്യുകയായിരുന്നു.

പിടിയിലായവരില്‍ നിന്ന് പല തരത്തിലുള്ള ഉപദ്രവം നേരിട്ട കാര്യം പെണ്‍കുട്ടിയുടെ വീട്ടുകാര്‍ നാട്ടിലെ പൊലീസ്‌സ്‌റ്റേഷനിലും പരാതി ഉന്നയിച്ചിട്ടുണ്ട്. ശൗചാലയം ക്ലീനിങ് ഏറ്റെടുത്ത കമ്പനിയില്‍ ക്ലീനിങ് ജീവനക്കാരായി 20ഓളം സ്ത്രീകളാണ് ജോലി ചെയ്യുന്നത്. മാളിലെ ക്ലീനിങ് ജോലിക്ക് പോകുന്ന ഇവരോട് അറസ്റ്റിലായവര്‍ പലപ്പോഴും മോശമായി പെരുമാറിയിരുന്നതായും പരാതി ഉയരുന്നുണ്ട്. സ്ത്രീ ജീവനക്കാര്‍ താമസിക്കുന്ന അതേ കെട്ടിടത്തില്‍ തന്നെയാണ് പുരുഷ ജീവനക്കാരെയും താമസിപ്പിച്ചിരിക്കുന്നത്, അവിടെ വച്ചും പലപ്പോഴും ഉപദ്രവം ഉണ്ടായിതായി സൂചനയുണ്ട്. രണ്ടു ദിവസം മുന്‍്പമാണ് പെണ്‍കുട്ടി ജോലിക്ക്എത്തിയത്.പെണ്‍കുട്ടിയെ എല്‍.എം.ആര്‍.എയുടെ അഭയ കേന്ദ്രത്തിലേയ്ക്കു മാറ്റി.


Other News in this category



4malayalees Recommends

LIKE US