കാര്‍ നിയന്ത്രണം വിട്ടു മറിഞ്ഞ് കോട്ടയം സ്വദേശി കാനഡയില്‍ മരിച്ചു. നട്ടാശേരി വടക്ക് തെക്കുംകൂര്‍ തെക്കേ കോയിക്കല്‍ ജുഗല്‍ കിഷോര്‍ മേഹ്ത്ത (അപ്പു 25) ആണ് മരിച്ചത്. വടക്ക് തെക്കുംകൂര്‍ തെക്കേ കോയിക്കല്‍ രാജീവ് കിഷോര്‍ മേഹ്ത്തയുടേയും ചിത്രം രാജീവിന്റെയും മകനാണ്.
കാനഡയിലെ പ്രിന്‍സ് എഡ്വേഡ് ഐലന്‍ഡിലെ ആല്‍ബനിയിലെ എക്‌സ്പ്രസ് വേയില്‍ വെള്ളിയാഴ്ച പുലര്‍ച്ചെ നാലിനായിരുന്നു അപകടം. ഇന്നലെ രാവിലെ 2.30 ന് സ്വകാര്യ ആശുപത്രിയില്‍ ചികിത്സയിലിരിക്കേയാണ് ജുഗല്‍ മരിച്ചത്. മൃതദേഹം നാട്ടിലെത്തിക്കാന്‍ ശ്രമം നടത്തുന്നുണ്ട്. ഒപ്പമുണ്ടായിരുന്ന മൂന്നു പേരില്‍ എറണാകുളം സ്വദേശി മരിച്ചു. മറ്റ് രണ്ടു പേര്‍ ഗുരുതരമായി പരുക്കേറ്റ് ചികിത്സയിലാണ്. ജുഗല്‍ കിഷോറിന്റെ സഹോദരി , തന്‍വി.
Facebook
Twitter
