തെലുങ്ക് നടന്‍ രാജ് തരുണിനെതിരെ നടി ലാവണ്യ നല്‍കിയ പൊലീസ് പരാതി ടോളിവുഡ് പ്രേക്ഷകര്‍ക്കിടയില്‍ ചര്‍ച്ചയാണ്. ഇപ്പോഴിതാ നടനെതിരെ മറ്റൊരു ആരോപണം കൂടി ഉയര്‍ത്തിയിരിക്കുകയാണ് ലാവണ്യ. പൊലീസിന് താന്‍ നല്‍കിയ പരാതി പിന്‍വലിക്കാന്‍ 5 കോടി വാഗ്ദാനം ചെയ്തു എന്നാണ് പരാതി.
രാജ് തരുണുമായി 11 വര്‍ഷത്തെ ബന്ധമാണെന്നാണ് ലാവണ്യ പറയുന്നത്. ആദ്യം ലിവ് ഇന്‍ റിലേഷന്‍ഷിപ്പില്‍ ആയിരുന്നെന്നും വര്‍ഷങ്ങള്‍ക്ക് മുന്‍പ് ഒരു ക്ഷേത്രത്തില്‍ വച്ച് രഹസ്യമായി വിവാഹം കഴിച്ചെന്നും. ആ ബന്ധത്തില്‍ താനിപ്പോള്‍ വഞ്ചന നേരിടുകയാണെന്നും മുംബൈ സ്വദേശിയായ ഒരു നടിയുമായി രാജ് തരുണ്‍ നിലവില്‍ ഡേറ്റിംഗില്‍ ആണെന്നുമാണ് ലാവണ്യയുടെ പരാതി. പൊലീസില്‍ നല്‍കിയ പരാതി വലിയ വാര്‍ത്താപ്രാധാന്യം നേടിയതിന് പിന്നാലെയാണ് പണം കൊണ്ട് സ്വാധീനിക്കുക എന്ന ലക്ഷ്യവുമായി രാജിന്റെ മാനേജരും അഭിഭാഷകനും തന്നെ ഫോണില്‍ ബന്ധപ്പെട്ടതെന്നും ലാവണ്യ പറയുന്നു.
അതേസമയം പണം താന്‍ സ്വീകരിക്കില്ലെന്നും രാജ് തന്നിലേക്ക് തിരികെ എത്തണമെന്ന ആഗ്രഹമേ ഉള്ളൂവെന്നും ലാവണ്യ പ്രതികരിച്ചു. രംഗ റെഡ്ഡി ജില്ലയിലെ നര്‍സിംഗി പൊലീസ് സ്റ്റേഷനിലാണ് ലാവണ്യ പരാതി നല്‍കിയിട്ടുള്ളത്.
Facebook
Twitter
