'നീ ഏറ്റവും മികച്ചവളും കരുത്തയും, മുന്നോട്ട് പോവുക'; അമൃതയ്ക്ക് പിന്തുണയുമായി ഗോപി സുന്ദര്‍
സോഷ്യല്‍ മീഡിയയിലെ ചര്‍ച്ചാ വിഷയമാണ് ഗായിക അമൃത സുരേഷും മുന്‍ ഭര്‍ത്താവും നടനുമായ ബാലയും തമ്മിലുള്ള പ്രശ്നങ്ങള്‍. ബാലയ്ക്കെതിരെ മകള്‍ പപ്പു രംഗത്ത് എത്തിയതോടെയാണ് വിവാദങ്ങളുടെ തുടക്കം. ബാല തനിക്കെതിരേയും അമ്മയ്ക്കെതിരേയും നടത്തിയ ക്രൂരതകള്‍ തുറന്ന് പറയുകയായിരുന്നു മകള്‍. തന്നേയും അമ്മയേയും ബാല ഉപദ്രവിച്ചതായി മകള്‍ തുറന്ന് പറഞ്ഞിരുന്നു.
പിന്നാലെ മകള്‍ക്ക് മറുപടിയുമായി ബാല രംഗത്തെത്തി. ഇതിന് പിന്നാലെ കടുത്ത സൈബര്‍ ആക്രമണത്തിന് അമൃതയും കുടുംബവും ഇരയായത്. ഇതിനിടെ മകള്‍ക്കെതിരെ നടക്കുന്ന സൈബര്‍ ആക്രമണത്തില്‍ പ്രതികരിച്ച് അമൃതയും രംഗത്തെത്തി. പതിനാല് വര്‍ഷം മുമ്പത്തെ ബന്ധത്തിന്റെ പേരില്‍ തന്നെ ഇപ്പോഴും വേട്ടയാടുകയാണെന്ന് അമൃത പറഞ്ഞു. ബാല തന്നേയും മകളേയും ഉപദ്രവിച്ചിട്ടുണ്ടെന്നും അമൃത തുറന്നടിച്ചിരുന്നു.
വിഷയത്തില്‍ പ്രതികരിച്ച് അമൃതയുടെ സഹോദരി അഭിരാമി സുരേഷ് അടക്കം രംഗത്തെത്തിയിരുന്നു. വിഷയത്തില്‍ നിരവധി ആളുകളാണ് ഇവരെ അനുകൂലിച്ചും പ്രതികൂലിച്ചും രംഗത്തെത്തിയത്. ഇപ്പോഴിതാ അമൃതയുടെ പോസ്റ്റിന് ഗോപി സുന്ദര്‍ നല്‍കിയ കമന്റാണ് ശ്രദ്ധ നേടുന്നത്.''നീ ഏറ്റവും മികച്ചവളും കരുത്തയുമാണ്. മുന്നോട്ട് പോവുക. ഒരു അമ്മയുടെ ശക്തി''എന്നായിരുന്നു അമൃതയുടെ പോസ്റ്റിലെ ഗോപി സുന്ദറിന്റെ കമന്റ്.
Facebook
Twitter
