ഭക്ഷണം എടുത്ത് നല്‍കാതെ ഫോണില്‍ നോക്കിയിരുന്ന ഭാര്യയെ കഴുത്ത് ഞെരിച്ച് കൊലപ്പെടുത്തി യുവാവ്. ഷിമോഗ ജില്ലയിലെ ശികാരിപുര താലൂക്കിലെ അംബ്ലിഗോളയിലാണ് സംഭവം.
28കാരിയായ ഗൌരമ്മ ആണ് കൊല്ലപ്പെട്ടത്.ഇന്നലെ വൈകീട്ടാണ് സംഭവം.ടെക്‌സ്‌റ്റൈല്‍സ് ജീവനക്കാരിയാണ് ഗൌരമ്മാ. ഇവരുടെ ഭര്‍ത്താവ് മനു വീട്ടിലെത്തിയ സമയത്ത് ഗോരമ്മ ഫോണില്‍ നോക്കിയിരിക്കുകയായിരുന്നു.
ഭക്ഷണം വിളമ്പിത്തരാന്‍ യുവാവ് ആവശ്യപ്പെട്ടപ്പോള്‍ വിളമ്പി കഴിക്കാന്‍ ആവശ്യപ്പെട്ട ശേഷം യുവതി ഫോണില്‍ സംസാരിക്കുന്നത് തുടരുകയായിരുന്നു. ഇതില്‍ ക്ഷുഭിതനായി മനു ഭാര്യയെ കഴുത്ത് ഞെരിച്ച് കൊലപ്പെടുത്തുകയായിരുന്നു.
തോര്‍ത്ത് ഉപയോഗിച്ചായിരുന്നു കൊലപാതകം.ശേഷം യുവതിയുടെ പിതാവിനെ വിളിച്ച് നിങ്ങളുടെ മകള്‍ മരിച്ചെന്നും യുവാവ് വിശദമാക്കി. ഇതിന് പിന്നാലെ യുവതിയുടെ പിതാവിന്റെ പരാതിയില്‍ ഇയാളെ പൊലീസ് അറസ്റ്റ് ചെയ്തു.
Facebook
Twitter
