കാല്‍ഗറി: ഇമ്മിഗ്രന്റ് സര്‍വീസ് കാല്‍ഗറിയുടെ പ്രസ്റ്റീജിസ് അവാര്‍ഡ് ആയ കനേഡിയന്‍ ഇമ്മിഗ്രന്റ് ഡിസ്റ്റിസിന്‍ഷന്‍ ഇന്‍ എന്റര്‍പ്രണര്‍ഷിപ് ആന്‍ഡ് ഇന്നോവേഷന്‍ അവാര്‍ഡ് 2019 ഫൈനലിസ്റ്റുകളെ പ്രഖ്യാപിച്ചു. കേരളത്തില്‍ നിന്നും 2007ല്‍ കാനഡയില്‍ എത്തിയ ഡോ ശ്രീകുമാര്‍ മേനോന് ഈ അവാര്‍ഡില്‍ ഇടം പിടിച്ചു.
ഇരുപത്തിയാറു വര്‍ഷം ടെക്‌നോളജിയിലും മാനേജ്‌മെന്റിലും പ്രവര്‍ത്തി പരിചയമുള്ള ഡോ. മേനോന് ഐ.ബി.എം കാഡയിലെ സീനിയര്‍ മാനേജരായും ഇപ്പോള്‍ R3Snergy Inc ( https://rs3ynergy.com ) യുടെ മാനേജിങ് ഡയറക്ടറായും പ്രവര്‍ത്തിച്ചുപോരുന്നു. ഡോ. ശ്രീകുമാര്‍ മേനോന്റെ തീസിസായ Critical Challenges in ERP (Enterprise Research & Planning) Implementation ന് അമേരിക്കയിലുള്ള കപെല്ല യൂണിവേഴ്‌സിറ്റിയില്‍ നിന്നും 2016 ല്‍ ഡോക്ടറേറ്റ് ലഭിച്ചിരുന്നു.
കനേഡിയന്‍ ഓയില്‍ ആന്‍ഡ് ഗ്യാസ് ഇന്‍ഡസ്ട്രിയില്‍ നടത്തിയ ഈ പഠനം ഇത്തരത്തിലുള്ള ആദ്യത്തെ ഗവേഷണമാണ് (https://drmenon.ca/research ). കാല്‍ഗറി ഇന്ത്യന്‍ കമ്മ്യൂണിറ്റിയിലും മലയാളി കമ്മ്യൂണിറ്റിയിലും സ്ഥിര സാന്നിധ്യമായ ഡോ .മേനോന് കാനേഡിയന്‍ സന്നദ്ധ സംഘടന മെഡിക്കല്‍ മേഴ്‌സിയുടെ ബോര്‍ഡ് മെമ്പറും, മറ്റു നിരവധി രാഷ്ട്രീയ സാമൂഹീകസംഘടനകളിലും വോളന്റീയറായും സേവനം അനുഷ്ഠിച്ചുവരുന്നു.
Facebook
Twitter
