ചിക്കാഗോ: ഇല്ലിനോയിയിലെ നേപ്പര്‍വില്ലില്‍ ഇന്ത്യ ഔട്ട് റീച്ച് സൊസൈറ്റി സംഘടിപ്പിച്ച വര്‍ണ്ണാഭമായ പരേഡില്‍ കേരള അസോസിയേഷന്‍ ഓഫ് ചിക്കാഗോ രണ്ടാം വര്‍ഷവും പങ്കെടുത്തു. കേരള അസോസിയേഷന്‍ ബാനറില്‍ ചേര്‍ന്ന പരേഡില്‍ പ്രമോദ് സക്കറിയ, ഗ്ലാഡ്‌സണ്‍ വര്‍ഗീസ്, കൂടാതെ ചിക്കാഗോ മലയാളി അസോസിയേഷന്‍ പ്രസിഡന്റ് ജോണ്‍സണ്‍ കണ്ണൂക്കാടന്‍ എന്നിവരുള്‍പ്പെടെ വിവിധ സമുദായ നേതാക്കള്‍ പങ്കെടുത്തു. കേരള അസോസിയേഷന്റെ പങ്കാളിത്തം സ്‌പോണ്‍സര്‍ ചെയ്തത് തോമസ്‌കുട്ടി നെല്ലാമറ്റമാണ് .

ഏറ്റവും പഴയ ജനാധിപത്യ രാജ്യമായ യുഎസിന്റെ മണ്ണില്‍ ലോകത്തിലെ ഏറ്റം വലിയ ജനാധിപത്യ രാജ്യം സ്വാതന്ത്ര്യദിനം ആഘോഷിക്കുന്നത് വളരെ അര്‍ത്ഥവത്തായ കാര്യമാണെന്ന് കെഎസി നേതാക്കള്‍ അഭിപ്രായപ്പെട്ടു. ഇരു രാജ്യങ്ങളെയും വേര്‍തിരിക്കുന്ന ഒരു പൊതു ഘടകമാണ് ജനാധിപത്യം. നമ്മുടെ രാഷ്ട്രപിതാവ മഹാത്മാഗാന്ധി നിര്‍ദ്ദേശിച്ചത്, 'ജനാധിപത്യത്തെ സംരക്ഷിക്കാന്‍ ജനങ്ങള്‍ക്ക് സ്വാതന്ത്ര്യവും ആത്മാഭിമാനവും അവരുടെ ഐക്യവും ഉണ്ടായിരിക്കണം.' എന്നാണ് ' ഇന്നത്തെ ഇന്ത്യന്‍ സ്വാതന്ത്ര്യദിന പരേഡ് പ്രകടമാക്കിയത്, ഈ ശക്തമായ സ്വാതന്ത്ര്യബോധവും , ആത്മാഭിമാനവും ഐക്യവുംമണ്ണാണന്നും കൂടാതെ മിസോറാം മുതല്‍ കേരളം വരെയുള്ള സംസ്ഥാനങ്ങള്‍ ഇന്ത്യയുടെ ഒരു പതാകയ്ക്ക് കീഴില്‍ 'ഭാരത് മാതാ കി ജയ്' എന്ന് ആക്രോശിച്ചുകൊണ്ട് പരേഡ് നടത്തിയത് ഈ ഐക്യമാണെന്നു എന്ന് കെഎസി പ്രസിഡന്റ് ചൂണ്ടിക്കാട്ടി. സിഎംഎ പ്രസിഡന്റിന്റെ വീക്ഷണത്തെ പിന്തുണച്ച അദ്ദേഹം, ഭാവി പരേഡുകളില്‍ എല്ലാ മലയാളികളെയും കേരളീയരെയും പ്രതിനിധീകരിച്ച് വിവിധ അസോസിയേഷനുകള്‍ സംയുക്തമായി മാര്‍ച്ച് നടത്തി ശക്തമായ സാന്നിധ്യവും സ്വാധീനവും ഉണ്ടാക്കിയാല്‍ അത് വളരെ നന്നായിരിക്കുമെന്ന് അദ്ദേഹം അഭിപ്രായപ്പെട്ടു