ഹജ്ജ് കമ്മിറ്റി മുഖേനയുള്ള കേരളത്തിലെ ഹജ്ജ് തീര്ഥാടകര് നാട്ടിലെത്തിത്തുടങ്ങി; തീര്ഥാടകര് വീടുകളിലേക്കു മടങ്ങുന്നത് മുഖ്യമന്ത്രിയുടെ ദുരിതാശ്വാസ നിധിയിലേക്കു സഹായം നല്കി
ഹജ്ജ് കമ്മിറ്റി മുഖേനയുള്ള കേരളത്തിലെ ഹജ്ജ് തീര്ഥാടകര് നാട്ടിലെത്തിത്തുടങ്ങി. ജിദ്ദയില്നിന്നു 4 വിമാനങ്ങളിലായി 1200 പേര് കോഴിക്കോട് വിമാനത്താവളത്തിലെത്തി. ഇന്നും നാളെയും രണ്ടു വീതം വിമാനങ്ങളെത്തും (സമയം: രാവിലെ 7.20, ഉച്ചയ്ക്ക് 12.20). കോഴിക്കോട് വിമാനത്താവളം വഴി സെപ്റ്റംബര് 3 വരെയാണു തീര്ഥാടകരുടെ മടക്കയാത്ര. നെടുമ്പാശേരി വിമാനത്താവളം വഴി പോയ തീര്ഥാടകര് ഈ മാസം 29 മുതല് ഓഗസ്റ്റ് ഒന്നു വരെ 8 വിമാനങ്ങളിലായി നെടുമ്പാശേരിയില് മടങ്ങിയെത്തും.
സംസ്ഥാന ഹജ്ജ് കമ്മിറ്റി മുഖേനയുള്ള തീര്ഥാടകര് മുഖ്യമന്ത്രിയുടെ ദുരിതാശ്വാസ നിധിയിലേക്കു സഹായം നല്കിയാണു വീടുകളിലേക്കു മടങ്ങുന്നത്. ഹജ്ജ് കമ്മിറ്റിയുടെ ഹെല്പ് ഡെസ്കില് ഇന്നലെ സൗദി റിയാലും ഇന്ത്യന് രൂപയും ഉള്പ്പെടെ ഏകദേശം 1,41,806 രൂപ ലഭിച്ചു.