വാട്ട്സ്ആപ്പ് മുഖേന വോയിസ്, വീഡിയോ കോളുകള് വിളിക്കുന്നതിന് യു.എ.ഇയില് ഏര്പ്പെടുത്തിയ വിലക്ക് വൈകാതെ പിന്വലിച്ചേക്കും. വാട്ട്സ്ആപ്പിനൊപ്പം കൂടുതല് യോജിച്ച പ്രവര്ത്തനങ്ങളുമായി മുന്നോട്ടുപോകാനുള്ള യു.എ.ഇ തീരുമാനത്തെ തുടര്ന്നാണ് നടപടി. വിവിധ തലങ്ങളില് വാട്ട്സ്ആപ്പുമായി രാജ്യം അടുത്തിടെ ധാരണയിലെത്തിയിരുന്നു.
സ്കൈപ്പ് , ഫേസ് ടൈം, തുടങ്ങിയ വോയിസ് & വീഡിയോകോള് പ്ലാറ്റ് ഫോമുകള്ക്ക് യു.എ.ഇയില് വിലക്കുണ്ട്. ഇവയുടെ വിലക്ക് നിലവില് എടുത്തുകളഞ്ഞിട്ടില്ല.ഇവയ്ക്ക് പകരം യു.എ.ഇ യിലെ സ്വദേശ വോയിസ്കോള് ആപ്പുകളായ ബോടിം, സിമെ, എച്ച്.ഐ.യു എന്നിവയാണ് പ്രചാരത്തിലുള്ളത്.ഫ്രീ കോളുകള് വിലക്കി ഈ കമ്പനികളുടെ വോയിസ് കോള് സൗകര്യം ഉപയോഗിക്കുന്നത് ഉപയോക്താക്കള്ക്ക് ചെലവേറിയ കാര്യമായിരുന്നു.
2017 ല് സൗദി അറേബ്യ വാട്സ്ആപ്പ് കോളുകള്ക്കുള്ള വിലക്ക് എടുത്തു കളഞ്ഞിട്ടുണ്ട്.ഖത്തറില് അംഗീകൃത ടെലികോം ഓപ്പറേറ്റേര്സ് വോയിസ് കോള് ആപ്പുകള്ക്ക് ലൈസന്സ് നല്കുന്നുണ്ട്.