അമ്മയെ കൊന്ന അച്ഛനെ പോലീസ് അറസ്റ്റ് ചെയ്തു കൊണ്ടുപോയത് കണ്‍മുന്നിലൂടെ; ബന്ധുക്കള്‍ ഏറ്റെടുക്കാന്‍ തയാറായത് സഹോദരിയെ മാത്രം; കാമുകിയെ സ്വന്തമാക്കാന്‍ അച്ഛന്‍ അമ്മയെ കൊന്നപ്പോള്‍ ഈ ആറുവയസുകാരന് ഇല്ലാതായത് അച്ഛനും അമ്മയും സഹോദരിയും

അമ്മയെ കൊന്ന അച്ഛനെ പോലീസ് അറസ്റ്റ് ചെയ്തു കൊണ്ടുപോയത് കണ്‍മുന്നിലൂടെ; ബന്ധുക്കള്‍ ഏറ്റെടുക്കാന്‍ തയാറായത് സഹോദരിയെ മാത്രം; കാമുകിയെ സ്വന്തമാക്കാന്‍  അച്ഛന്‍ അമ്മയെ കൊന്നപ്പോള്‍ ഈ ആറുവയസുകാരന് ഇല്ലാതായത് അച്ഛനും അമ്മയും സഹോദരിയും

ഉദയംപേരൂരില്‍ കാമുകി സുനിത ബേബിക്കൊപ്പം ജീവിക്കാന്‍ ഭര്‍ത്താവ് ഭാര്യയെ കൊന്നതോടെ ആരോരുമില്ലാതായി ഒരു ആറാം ക്‌ളാസുകാരന്‍. പ്രേംകുമാറിന്റെയും വിദ്യയുടെയും ഇളയ മകനെയാണ് ബന്ധുക്കള്‍ കയ്യൊഴിഞ്ഞത്. മൂത്തമകളെ ഏറ്റെടുത്തെങ്കിലും കുടുംബപ്രശ്‌നങ്ങള്‍ മൂലം മകനെ ഏറ്റെടുക്കാന്‍ തയ്യാറായില്ല. ഇതോടെ കുട്ടിയെ ചൈല്‍ഡ് വെല്‍ഫെയര്‍ കമ്മിറ്റി സംരക്ഷണകേന്ദ്രത്തിലേക്ക് മാറ്റി. ജോലിക്കായി വിദേശത്തേക്ക് പോകുകയാണെന്നും അതിനാല്‍ പഠിക്കാന്‍ സംരക്ഷണകേന്ദ്രത്തിലാക്കാമെന്നും മകനെ വിശ്വസിപ്പിച്ച് ഇവിടേക്ക് പോകുംവഴിയായിരുന്നു മകന്റെ കണ്‍മുന്നില്‍വെച്ച് പ്രേംകുമാര്‍ പൊലീസ് പിടിയിലാകുന്നത്.


വിദ്യയുടെ മരണത്തിനും പ്രേംകുമാറിന്റെ ജയില്‍ വാസത്തിനുമപ്പുറം ഈ കൊലയുടെ യഥാര്‍ത്ഥ ഇര അവരുടെ ഇളയ മകനാണ്. ഒറ്റ നിമിഷംകൊണ്ട് അച്ഛനും അമ്മയും സഹോദരിയും അവനില്ലാതായിരിക്കുകയാണ്.

കൊലപാതകം പുറത്തറിയുന്നതിന് മുന്‍പ് തന്നെ പ്രേംകുമാര്‍ മക്കളെ തിരുവനന്തപുരത്തേക്ക് മാറ്റിയിരുന്നു. പ്രേംകുമാറിന്റെ സ്വഭാവത്തില്‍ പേടിതോന്നിയ 9 ാം ക്‌ളാസുകാരി സ്‌കൂള്‍ കൗണ്‍സിലറോട് പരാതി പറഞ്ഞതോടെ കുട്ടികള്‍ ചൈല്‍ഡ് വെല്‍ഫയര്‍ കമ്മിറ്റിയുടെ മുന്നിലെത്തി. കമ്മിറ്റി പ്രേംകുമാറിന്റെ ബന്ധുക്കളെ വിളിച്ചുവരുത്തിയപ്പോള്‍ അവര്‍ മകളെ മാത്രം ഏറ്റെടുത്തു.

ബന്ധുക്കള്‍ കയ്യൊഴിഞ്ഞ മകനെ സി.ഡബ്‌ളിയു.സിയെ ഏല്‍പ്പിച്ച് വിദേശത്തേക്ക് കടക്കാനായിരുന്നു പ്രേംകുമാറിന്റെ നീക്കം. വിദേശത്ത് ജോലിക്ക് പോയി ഉടന്‍ വരാമെന്ന് മകനെ പറഞ്ഞ് വിശ്വസിപ്പിച്ച് സംരക്ഷണകേന്ദ്രത്തിലാക്കാന്‍ വരുന്ന വഴിക്കാണ് പൊലീസ് പിടിക്കുന്നത്. കണ്‍മുന്നിലുള്ള അച്ഛന്റെ അറസ്റ്റ് ആറാം ക്‌ളാസുകാരന് ഇരട്ടി ആഘാതമായി. ഏറ്റെടുക്കാന്‍ തയാറാണോയെന്ന് ബന്ധുക്കളോട് ഒരിക്കല്‍കൂടി അന്വേഷിക്കും. ഇല്ലങ്കില്‍ ഇനി ആ കുട്ടി അനാഥനാണ്.

Other News in this category



4malayalees Recommends