പുല്‍വാമ ഇന്ത്യ ഒരിക്കലും മറക്കില്ലെന്ന് പ്രധാനമന്ത്രി ; ആക്രമണത്തിന്റെ അന്വേഷണ ഫലം എന്തായെന്ന് രാഹുല്‍ ഗാന്ധി

പുല്‍വാമ ഇന്ത്യ ഒരിക്കലും മറക്കില്ലെന്ന് പ്രധാനമന്ത്രി ; ആക്രമണത്തിന്റെ അന്വേഷണ ഫലം എന്തായെന്ന് രാഹുല്‍ ഗാന്ധി
പുല്‍വാമ ഭീകരാക്രമണത്തിന്റെ ഒന്നാം വാര്‍ഷികത്തില്‍ ആക്രമണത്തില്‍ ജീവന്‍ നഷ്ടമായ സിആര്‍പിഎഫ് ജവാന്മാര്‍ക്ക് ആദരാജ്ഞലി അര്‍പ്പിച്ച് പ്രധാനമന്ത്രി നരേന്ദ്രമോദി.

കഴിഞ്ഞ വര്‍ഷം നടന്ന പുല്‍വാമ ആക്രമണത്തില്‍ ജീവന്‍ നഷ്ടപ്പെട്ട ധീരരായ രക്തസാക്ഷികള്‍ക്ക് ആദരാജ്ഞലികള്‍. നമ്മുടെ രാഷ്ട്രത്തെ സേവിക്കുന്നതിനും സംരക്ഷിക്കുന്നതിനും വേണ്ടി ജീവിതം സമര്‍പ്പിച്ച വിശിഷ്ട വ്യക്തികളായിരുന്നു അവര്‍. അവരുടെ രക്തസാക്ഷിത്വം ഒരിക്കലും മറക്കില്ല, പ്രധാനമന്ത്രി ട്വീറ്റ് ചെയ്തു.

കോണ്‍ഗ്രസ് നേതാവ് രാഹുല്‍ഗാന്ധിയും പുല്‍വാമ ജവാന്മാരെ സ്മരിച്ചു. ആക്രമണത്തിന്റെ അന്വേഷണം സംബന്ധിച്ച് ചോദ്യങ്ങള്‍ ഉയര്‍ത്തിക്കൊണ്ട് അദ്ദേഹം മോദി സര്‍ക്കാരിനെതിരെ രംഗത്തെത്തി. ട്വിറ്ററിലൂടെയായിരുന്നു രാഹുലിന്റെ ചോദ്യങ്ങള്‍.

' പുല്‍വാമ ഭീകരാക്രമണത്തില്‍ ആര്‍ക്കാണ് പ്രയോജനം ലഭിച്ചത് ? ആക്രമണത്തിന്റെ അന്വേഷണ ഫലം എന്തായി ? ആക്രമണത്തിന് അനുവദിച്ചുകൊണ്ട് സുരക്ഷാ വീഴ്ച വരുത്തിയ ബിജെപി സര്‍ക്കാരില്‍ ആരാണ് ഉത്തരവാദി ? എന്നിങ്ങനെ ചോദ്യങ്ങളാണ് രാഹുല്‍ഗാന്ധി ചോദിച്ചത്.

Other News in this category



4malayalees Recommends