തെലങ്കാനയിലും ആന്ധ്രയിലും ആദായ നികുതി റെയ്ഡില്‍ രണ്ടായിരം കോടി രൂപ കണ്ടെത്തി

തെലങ്കാനയിലും ആന്ധ്രയിലും ആദായ നികുതി റെയ്ഡില്‍ രണ്ടായിരം കോടി രൂപ കണ്ടെത്തി
ആന്ധ്രാപ്രദേശ്, തെലങ്കാന ആസ്ഥാനമായി പ്രവര്‍ത്തിക്കുന്ന മൂന്ന് ഇന്‍ഫ്രാസ്ട്രക്ചര്‍ സ്ഥാപനങ്ങളില്‍ കഴിഞ്ഞ ആഴ്ച നടത്തിയ റെയ്ഡില്‍ 2,000 കോടിയിലധികം കണക്കില്ലാത്ത വരുമാനം കണ്ടെത്തിയതായി ആദായനികുതി വകുപ്പ് അറിയിച്ചു. ഫെബ്രുവരി ആറിന് ഹൈദരാബാദ്, വിജയവാഡ, കഡപ്പ, വിശാഖപട്ടണം, ഡല്‍ഹി, പൂനെ എന്നിവിടങ്ങളില്‍ തെരച്ചില്‍ നടത്തി. 40 ലധികം സ്ഥലങ്ങളില്‍ റെയ്ഡ് നടന്നു.

വ്യാജ സബ് കരാറുകാര്‍, അമിത ഇന്‍വോയ്‌സിംഗ്, വ്യാജ ബില്ലിംഗ് എന്നിവയിലൂടെ പണം സമ്പാദിക്കുന്നതില്‍ പ്രധാന പങ്കുവഹിച്ചത് അന്വേഷണത്തിലേക്ക് നയിച്ചതായി സെന്‍ട്രല്‍ ഡയറക്റ്റ് ടാക്‌സ് ബോര്‍ഡ് പുറത്തിറക്കിയ പത്രക്കുറിപ്പില്‍ പറയുന്നു.

തിരച്ചിലിനിടെ നിരവധി കുറ്റകരമായ രേഖകളും വ്യാജ പേപ്പറുകളും കണ്ടെത്തുകയും പിടിച്ചെടുക്കുകയും ചെയ്തു. ഇമെയിലുകള്‍ കൂടാതെ, വാട്ട്‌സ്ആപ്പ് സന്ദേശങ്ങളും വിദേശ ഇടപാടുകളും തിരച്ചിലിനിടെ കണ്ടെത്തിയിട്ടുണ്ട് എന്ന് പത്രക്കുറിപ്പില്‍ പറയുന്നു.

ഒരു പ്രമുഖ വ്യക്തിയുടെ മുന്‍ പേഴ്‌സണല്‍ സെക്രട്ടറി ഉള്‍പ്പെടെയുള്ള അടുത്ത സഹകാരികളുടെ ഇടങ്ങളിലും തിരച്ചില്‍ നടത്തിയിരുന്നു. ഈ റെയ്ഡിലും തെളിവുകള്‍ പിടിച്ചെടുത്തിട്ടുണ്ട്.നിലവിലില്ലാത്ത / വ്യാജ സ്ഥാപനങ്ങളിലേക്ക് ഇന്‍ഫ്രാസ്ട്രക്ചര്‍ കമ്പനികള്‍ സബ് കോണ്‍ട്രാക്റ്റ് ചെയ്തതായി റെയ്ഡില്‍ വെളിപ്പെട്ടു.

Other News in this category



4malayalees Recommends