കോവിഡ് മഹാമാരി വ്യാപിച്ചതിന്റെ പശ്ചാത്തലത്തില് അമേരിക്കയിലുള്ള മലയാളികളുടെ പ്രശ്നങ്ങള് പരിഹരിക്കുന്നതിനായി പ്രത്യേക ടാക്സ് ഫോഴ്സ് പ്രവര്ത്തനം ആരംഭിച്ചു. 815 595 2068 എന്നതാണ് ഹെല്പ് ലൈന് നമ്പര്. ആരോഗ്യപരമായ വിഷങ്ങള്, ഇമിഗ്രേഷന് സംബന്ധിച്ച സംശയങ്ങള്, വിസാ- തൊഴില് സംബന്ധമായ പ്രശ്നങ്ങള്, യാത്ര മുടങ്ങിയതുമായ ബന്ധപ്പെട്ട പ്രതിസന്ധി, വിദ്യാര്ത്ഥികള് നേരിടുന്ന ആശയക്കുഴപ്പം, പ്രയമായവര്ക്കുവേണ്ട സഹായങ്ങള്, അസുഖബാധിതരുടെ ആവശ്യങ്ങള്, സാമ്പത്തിക സംശയങ്ങള്, ആരോഗ്യമേഖലയില് പ്രവര്ത്തിക്കുന്നവരുടെ പ്രശ്നങ്ങള് തുടങ്ങി വിവിധ വിഷയങ്ങള്ക്കായി ഈ ഹെല്പ് ലൈനെ ബന്ധപ്പെടാം.
നോര്ക്കയുമായി സഹകരിച്ചായരിക്കും ഈ ടാക്സ് ഫോഴ്സ് പ്രവര്ത്തിക്കുക. ലോക കേരള സഭയുടെ അമേരിക്കയിലെ പ്രതിനിധികളും പ്രതിനിധികളും, ഫോമ, ഫൊക്കാന, വേള്ഡ് മലയാളി കൗണ്സില്, ഇന്ത്യാ പ്രസ്ക്ലബ് ഓഫ് നോര്ത്ത് അമേരിക്ക, ഇന്തോ അമേരിക്കന് പ്രസ്ക്ലബ്, അസോസിയേഷന് ഓഫ് മെഡിക്കല് ഗ്രാജ്വേറ്റ്സ് എന്നീ സംഘടനകളുടെ പ്രതിനിധികളും അടങ്ങുന്ന ഈ ഹെല്പ് ഡസ്കിനു അമേരിക്കയിലെ വിവിധ മലയാളി സംഘടനകളുടെ പിന്തുണയുമുണ്ട്.