അമേരിക്കയിലെ മിഷിഗണില് കനത്ത മഴയെ തുടര്ന്ന് ഡാം തകര്ന്നു; ഭ്രാന്തമായ വെള്ളപ്പാച്ചിലിന്റെ ദൃശ്യങ്ങള് ക്യാമറയില് പകര്ത്തി പൈലറ്റ്; 10 ലക്ഷത്തിലധികം ആളുകള് ഇതിനോടകം കണ്ടുകഴിഞ്ഞ വീഡിയോ വൈറല്; ദൃശ്യങ്ങള് കാണാം
അണക്കെട്ട് തകര്ന്നതിനെ തുടര്ന്ന് മിഷിഗനിലെ ഒരു തടാകത്തില്നിന്ന് വെള്ളം ഒഴുകുന്നതിന്റെ നാടകീയമായ ആകാശദൃശ്യങ്ങളാണ് സമൂഹ മാധ്യമങ്ങളില് വ്യാപകമായി പ്രചരിക്കുന്നത്. കനത്ത മഴയെ തുടര്ന്ന് ടിറ്റബാവസ്സി നദിയോട് ചേര്ന്ന ഈഡന്വില്ലെ ഡാം ചൊവ്വാഴ്ച വൈകുന്നേരമാണ് തകര്ന്നത്. മിഷിഗണിലെ രണ്ട് ഡാം അപകടങ്ങളില് ഒന്നായിരുന്നു ഇത്. ഡാമുകള് തകര്ന്നതിനെ തുടര്ന്ന് മിഷിഗണിലെ മിഡ്ലാന്റില് ചില ഭാഗങ്ങള് വെള്ളത്തില് മുങ്ങി. ആയിരക്കണക്കിന് ആളുകളെ മാറ്റിപ്പാര്പ്പിച്ചു.
ഈഡന്വില്ലെ ഡാം തകര്ന്ന് വെള്ളം കുതിച്ച് പായുന്നതിന്റെ ദൃശ്യങ്ങള് പകര്ത്തിയത് ചെറുവിമാനങ്ങള് പറത്തുന്ന പൈലറ്റായ റയാന് കലേറ്റൊ എന്നയാളാണ്. ഭ്രാന്തമായ വെള്ളപ്പാച്ചിലിന്റെ ദൃശ്യങ്ങള് ഇദ്ദേഹം തന്റെ ഫെയ്സ്ബുക്ക് അക്കൗണ്ടില് പോസ്റ്റ് ചെയ്തു. പിന്നാലെ 10 ലക്ഷത്തിനി മുകളില് ആളുകളാണ് വീഡിയോ കണ്ടത്. അതേസമയം, നദിയിലെ ജലനിരപ്പ് അപകടകരമായ നിലയില് ഉയര്ന്നുകൊണ്ടിരിക്കുകയാണെന്ന് നാഷണല് വെതര് സര്വീസ് മുന്നറിയിപ്പ് നല്കുന്നത്.