യുഎസില്‍ ഇന്നലെ പ്രതിദിന കൊറോണ മരണത്തില്‍ തൊട്ട് തലേദിവസത്തേക്കാള്‍ നേരിയ കുറവുണ്ടായി മരണം 949 ലെത്തി. തലേദിസവമായ തിങ്കളാഴ്ച 1002 പേര്‍ മരിച്ച സ്ഥാനത്താണീ നേരിയ ഇടിവുണ്ടായിരിക്കുന്നത്. ഞായറാഴ്ച വെറും 432 പേര്‍ മരിച്ചതുമായി താരതമ്യപ്പെടുത്തുമ്പോള്‍ ഇതില്‍ കുതിച്ച് കയറ്റമാണുണ്ടായിരിക്കുന്നത്. എന്നാല്‍ വെള്ളിയാഴ്ചത്തെ കോവിഡ് മരണമായ 1,056 ആയി താരതമ്യപ്പെടുത്തുമ്പോള്‍ ഇക്കാര്യത്തില്‍ താഴ്ചയാണുള്ളത്.
24 മണിക്കൂറിനിടെ സ്ഥിരീകരിച്ച രോഗികളുടെ എണ്ണത്തിലും അല്‍പം കുറവുണ്ടായി ഇന്നലെ അത് 45,748ലെത്തി. തൊട്ട് തലേദിവസത്തെ രോഗികളുടെ എണ്ണമായ 59,222 ഉം ആയി താരതമ്യപ്പെടുത്തുമ്പോള്‍ ഇന്നലെ ഇക്കാര്യത്തില്‍ നേരിയ കുറവുണ്ട്. ഞായറാഴ്ചത്തെ പുതിയ രോഗികളുടെ എണ്ണമായ 46,359ഉം ശനിയാഴ്ചത്തെ പുതിയ രോഗികളുടെ എണ്ണമായ 59,857 ആയും വെള്ളിയാഴ്ചത്തെ പ്രതിദിന രോഗികളുടെ എണ്ണമായ 54,742 ആയി താരതമ്യപ്പെടുത്തുമ്പോള്‍ ഇക്കാര്യത്തില്‍ താഴ്ചയാണുള്ളത്.
ഇതോടെ രാജ്യത്തെ മൊത്തം കൊറോണ മരണം 160,318 ആയും മൊത്തം രോഗികളുടെ എണ്ണം 4,918,770 ഉം ആയാണ് വര്‍ധിച്ചിരിക്കുന്നത്. ചുരുക്കിപ്പറഞ്ഞാല്‍ ആഗോള ശക്തിയായ അമേരിക്ക കൊറോണക്ക് മുന്നില്‍ തലകുനിച്ച് നില്‍ക്കുന്ന ദയനീയ നില തുടരുകയാണ്.രാജ്യത്ത് രോഗമുക്തി നേടിയവരുടെ എണ്ണമാകട്ടെ 2,482,899 ആയാണ് ഉയര്‍ന്നിരിക്കുന്നത്. യുഎസില്‍ രോഗത്തില്‍ നിന്നും മുക്തരായവരുടെ എണ്ണം വര്‍ധിക്കുന്നുവെങ്കിലും ഏറ്റവും കൂടുതല്‍ മരണവും രോഗികളുള്ളതുമായ രാജ്യമെന്ന ദുരവസ്ഥയില്‍ നിന്നും ഇനിയും യുഎസിന് മുക്തിയുണ്ടായിട്ടില്ല.
ഏറ്റവും പുതിയ റിപ്പോര്‍ട്ടുകള്‍ അനുസരിച്ച് 32,801 മരണങ്ങളും 446,691 രോഗികളുമായി ന്യൂയോര്‍ക്കിലാണ് ഏറെ വഷളായ അവസ്ഥയുള്ളത്. ന്യൂജഴ്‌സിയില്‍ 15,924 മരണങ്ങളുണ്ടായപ്പോള്‍ ഇവിടെ മൊത്തം 188,645 പേര്‍ക്കാണ് രോഗബാധയുണ്ടായിരിക്കുന്നത്.മസാച്ചുസെറ്റ്‌സില്‍ കോവിഡ് ബാധിച്ച് 119,203 പേര്‍ രോഗികളായപ്പോള്‍ 8,657 പേരാണ് മരിച്ചത്.
ഇല്ലിനോയ്‌സില്‍ കൊറോണ മരണങ്ങള്‍ 7,742 ഉം രോഗികളുടെ എണ്ണം 185,993 ഉം ആണ്.പെന്‍സില്‍ വാനിയയില്‍ രോഗികളുടെ എണ്ണം 119,765ഉം മരണം 7,321 ഉം ആണ്.മിച്ചിഗനില്‍ 6,471 പേര്‍ മരിക്കുകയും 93,175 പേര്‍ രോഗബാധിതരാവുകയും ചെയ്തിരിക്കുന്നു. ഇവയ്ക്ക് പുറമെ രാജ്യത്തെ എല്ലാ സ്റ്റേറ്റുകളിലും കൊറോണ മരണങ്ങളും പുതിയ കേസുകളും എല്ലാ ദിവസവും റിപ്പോര്‍ട്ട് ചെയ്യപ്പെടുന്നത് തുടരുന്ന ആശങ്കാജനകമായ സാഹചര്യം തുടരുകയാണെന്നാണ് പുതിയ കണക്കുകള്‍ വെളിപ്പെടുത്തുന്നത്.
Facebook
Twitter
