ഇന്ത്യ ചൈന അതിര്‍ത്തിയില്‍ പുതിയ രണ്ട് റോഡുകള്‍ കൂടി നിര്‍മ്മിക്കാന്‍ ഇന്ത്യ ; അതിര്‍ത്തിയില്‍ മികച്ച മുന്നൊരുക്കങ്ങളുമായി രാജ്യം

ഇന്ത്യ ചൈന അതിര്‍ത്തിയില്‍ പുതിയ രണ്ട് റോഡുകള്‍ കൂടി നിര്‍മ്മിക്കാന്‍ ഇന്ത്യ ; അതിര്‍ത്തിയില്‍ മികച്ച മുന്നൊരുക്കങ്ങളുമായി രാജ്യം
സൈന്യത്തിന് അതിര്‍ത്തിയില്‍ വേഗത്തില്‍ എത്തുവാനും കൂടുതല്‍ സൈനിക വിന്യാസം എളുപ്പത്തില്‍ സാധ്യമാക്കാനും ഇന്ത്യ ചൈന അതിര്‍ത്തിയില്‍ പുതിയ രണ്ട് റോഡുകള്‍ കൂടി ഇന്ത്യ നിര്‍മ്മിക്കുന്നു. ഹിമാചല്‍ പ്രദേശിലെ പൂഹിനെയും ലഡാക്കിലെ ചുമാറിനേയും ബന്ധിപ്പിച്ച് ഒരെണ്ണവും ഉത്തരാഖണ്ഡിലെ ഹര്‍സിലിനേയും ഹിമാചലിലെ കര്‍ചാമിനേയും ബന്ധിപ്പിക്കുന്ന മറ്റൊന്നുമാണ് ഇന്ത്യ നിര്‍മ്മിക്കുന്നത്.


ഇന്ത്യയുടെ ഏറ്റവും ഉയര്‍ന്ന എയര്‍സ്ട്രിപ്പായ കിഴക്കന്‍ ലഡാക്കിലെ ദൗളത് ബെഗ് ഓള്‍ഡിയ്ക്ക് പുറമേയാണ് ഈ റോഡ് നിര്‍മ്മാണവും. കിഴക്കന്‍ ലഡാക്കില്‍ ചൈനീസ് സൈന്യവുമായി നിലനില്‍ക്കുന്ന സംഘര്‍ഷങ്ങള്‍ക്കിടയ്ക്കാണ് പുതിയ പദ്ധതിയുമായി ഇന്ത്യ മുന്നോട്ട് പോകുന്നത്.

പ്രതിരോധ വിഭാഗത്തിന് കീഴിലുള്ള ബോര്‍ഡര്‍ റോഡ്‌സ് ഓര്‍ഗനൈസേഷന് തന്നെയാണ് മൂന്ന് റോഡുകളുടെയും നിര്‍മ്മാണ ചുമതല. പുതുതായി നിര്‍മ്മിക്കുന്ന റോഡിന് 150 കിലോമീറ്റര്‍ നീളം വരുമെന്നാണ് റിപ്പോര്‍ട്ട്. ഇതിനായി 2,500 കോടി മുതല്‍ 3000 കോടിവരെയാണ് ചിലവ് പ്രതീക്ഷിക്കുന്നത്. ഇന്ത്യാ ചൈനാ അതിര്‍ത്തിയില്‍ അടിസ്ഥാന സൗകര്യങ്ങളുടെ വികസനം ലക്ഷ്യമിട്ടാണ് റോഡ് നിര്‍മ്മാണം.

Other News in this category



4malayalees Recommends