എയര് ഇന്ത്യ എക്സ്പ്രസ് വിമാനങ്ങള്ക്ക് ഏര്പ്പെടുത്തിയിരുന്ന വിലക്ക് നീക്കി ദുബായ്
കോവിഡ് വ്യാപനത്തെ തുടര്ന്ന് വിദേശത് കുടുങ്ങിയ ഇന്ത്യക്കാരെ നാട്ടിലെത്തിക്കുന്നതിനുള്ള വന്ദേഭാരത് ദൗത്യത്തിന്റെ ഭാഗമായുള്ള എയര് ഇന്ത്യ എക്സ്പ്രസ് വിമാനങ്ങള്ക്ക് ഏര്പ്പെടുത്തിയിരുന്ന വിലക്ക് നീക്കി ദുബായ്. ഇന്ന് മുതല് ഷെഡ്യൂള് പ്രകാരം വിമാനങ്ങള് സര്വീസ് നടത്തുമെന്ന് എയര്ലൈന് അധികൃതര് അറിയിച്ചു. ഇരുരാജ്യങ്ങളുടേയും വ്യോമയാനമന്ത്രാലയങ്ങള് തമ്മില് നടത്തിയ ചര്ച്ചയെ തുടര്ന്നാണ് വിലക്ക് പിന്വലിച്ചത്.
കോവിഡ് രോഗിയെ യാത്രചെയ്യാന് അനുവദിച്ചുവെന്ന് ചൂണ്ടിക്കാട്ടി ദുബായ് സിവില് ഏവിയേഷന് അതോറിറ്റി 15 ദിവസത്തേക്കാണ് വിലക്കേര്പ്പെടുത്തിയത്. ഡല്ഹി, ജയ്പൂര് വിമാനത്താവളങ്ങളിലെ ജീവനക്കാരുടെ ഭാഗത്തുനിന്നുണ്ടായ വീഴ്ചയാണെന്ന് വ്യക്തമാക്കി എയര് ഇന്ത്യ എക്സ്പ്രസ്, ദുബായ് അധികൃതര്ക്ക് വിശദീകരണം നല്കി.