മദ്യപിച്ച് ബോധരഹിതനായ നിലയില്‍ പിടിയിലായ ഇന്ത്യന്‍ പ്രവാസിയെ കുവൈറ്റില്‍ നിന്നും നാടുകടത്താന്‍ ഉത്തരവ്
മദ്യപിച്ച് ബോധരഹിതനായ നിലയില്‍ പിടിയിലായ ഇന്ത്യന്‍ പ്രവാസിയെ കുവൈറ്റില്‍ നിന്നും നാടുകടത്താന്‍ ഉത്തരവ്. തലസ്ഥാന ഗവര്‍ണറേറ്റിലെ സെക്യൂരിറ്റി ഡയറക്ടര്‍ ജനറല്‍ മേജര്‍ ജനറല്‍ അബ്ദീന്‍ അല്‍ അബിദിനാണ് ഉത്തരവിറക്കിയത്. ഇയാളെ നാടുകടത്തല്‍ കേന്ദ്രത്തിലേക്ക് മാറ്റാനും ഇനി രാജ്യത്തേക്ക് മടങ്ങിവരാതിരിക്കാന്‍ കരിമ്പട്ടികയില്‍ ഉള്‍പ്പെടുത്താനും ഉത്തരവില്‍ പറയുന്നു.
അല്‍ ബലാഗ് ഏരിയയില്‍ 32 വയസുകാരനായ ഇന്ത്യക്കാരനെ സ്വബോധം നഷ്ടമായ നിലയില്‍ കണ്ടെത്തിയ വിവരം ആഭ്യന്തര മന്ത്രാലയത്തിലെ ഓപ്പറേഷന്‍സ് റൂമിലാണ് ലഭിച്ചത്. ഉടന്‍ തന്നെ പൊലീസ് പട്രോള്‍ സംഘം സ്ഥലത്തെത്തി, ഇയാള്‍ ദ്യപിച്ച് അവശനിലയിലാണെന്നു കണ്ടെത്തുകയും കസ്റ്റഡിയില്‍ എടുക്കുകയുമായിരുന്നു.
Facebook
Twitter
