കോവിഡ് പ്രതിസന്ധി നേരിടുന്നതിനായി ഇന്ത്യക്ക് ഐക്യദാര്‍ഢ്യവുമായി കൂടുതല്‍ ഗള്‍ഫ് രാജ്യങ്ങള്‍. ബഹ്‌റൈനാണ് ഏറ്റവുമൊടുവില്‍ സഹായവാഗ്ദാനവുമായി രംഗത്തെത്തിയിരിക്കുന്നത്. ഇന്ത്യക്ക് ഓക്‌സിജനും വൈദ്യസഹായങ്ങളും ലഭ്യമാക്കാന്‍ ബഹ്‌റൈന്‍ തീരുമാനിച്ചു. ഇന്ത്യയിലെ കോവിഡ് മരണങ്ങളില്‍ ബഹ്‌റൈന്‍ മന്ത്രിസഭായോഗം ദുഃഖം രേഖപ്പെടുത്തുകയും അനുശോചനവും അറിയിക്കുകയും ചെയ്തു. കഴിഞ്ഞ ദിവസങ്ങളിലായി യുഎഇയും സൗദിയും ഇന്ത്യയ്ക്ക് സഹായങ്ങള്‍ അയച്ചിരുന്നു. ഓക്‌സിജന്‍ കണ്ടെയ്‌നറുകളാണ് ആദ്യ ഘട്ടമായി ഇരുരാജ്യങ്ങളും ഇന്ത്യയിലേക്ക് അയച്ചത്.
Facebook
Twitter
