കോവിഡ് നിയന്ത്രണം ലംഘിച്ച 368 പേര്ക്കെതിരെ ഖത്തറില് നടപടി
ഖത്തറില് കോവിഡ് നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കി. നിയമം ലംഘിച്ച 368 പേര് കൂടി പിടിയിലായതായി അധികൃതര് അറിയിച്ചു. ഇവരില് 316 പേരും പൊതുസ്ഥലങ്ങളില് മാസ്ക് ധരിക്കാത്തതിനാണ് നടപടി നേരിട്ടത്.
സുരക്ഷിതമായ സാമൂഹിക അകലം പാലിക്കാത്തതിന് 50 പേരെ പരിശോധനകളില് പിടികൂടിയപ്പോള് മൊബൈല് ഫോണില് ഇഹ്തിറാസ് ആപ്ലിക്കേഷന് ഇന്സ്റ്റാള് ചെയ്യാത്തതിനാണ് രണ്ടുപേര് പിടിയിലായത്. എല്ലാവരെയും തുടര്നടപടികള്ക്കായി പ്രോസിക്യൂഷന് കൈമാറി. കോവിഡ് നിയന്ത്രണങ്ങള് ലംഘിച്ചതിന് ഖത്തറില് ഇതുവരെ ആയിരക്കണക്കിന് പേരെ ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുണ്ട്.
രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കോവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്.