മെക്‌സിക്കോയും കാനഡയുമായുള്ള കര അതിര്‍ത്തികള്‍ നവംബര്‍ മുതല്‍ പൂര്‍ണമായും തുറന്നു നല്‍കുന്നു. കോവിഡ് പ്രതിരോധ കുത്തിവയ്പ്പ് എടുത്തവര്‍ക്ക് മാത്രമാണ് യാത്രയ്ക്ക് അനുമതി നല്‍കുന്നത്. കോവിഡ് പ്രതിസന്ധിയില്‍ യുഎസിലും കാനഡ മെക്‌സിക്കോയിലും യാത്ര ചെയ്യാനാകാതെ ബുദ്ധിമുട്ടുന്നവര്‍ക്ക് ആശ്വാസമാകുകയാണ് വാര്‍ത്ത.
കോവിഡ് വാക്‌സിന്‍ എടുക്കാത്ത യാത്രക്കാര്‍ക്ക് മെക്‌സിക്കോയില്‍ നിന്നും കാനഡയില്‍ നിന്നും കരവഴി യുഎസിലേക്ക് പ്രവേശിക്കുന്നത് തടഞ്ഞിരിക്കുകയാണ്. നെഗറ്റീവ് കോവിഡ് ടെസ്റ്റ് ഉപയോഗിച്ച് വിമാനയാത്ര അനുവദിച്ചിട്ടുണ്ട്.
2020 മാര്‍ച്ച് മുതല്‍ മെക്‌സിക്കോയില്‍ നിന്നും കാനഡയില്‍ നിന്നുമുള്ള യാത്രക്കാര്‍ക്ക് യുഎസ് നിരോധനമേര്‍പ്പെടുത്തിയിരുന്നു.'സുരക്ഷിതവും സുസ്ഥിരവുമായ രീതിയില്‍ പതിവ് യാത്ര പുനരാരംഭിക്കുന്നതിനുള്ള നടപടികള്‍ സ്വീകരിക്കുന്നതില്‍ ഞങ്ങള്‍ സന്തുഷ്ടരാണ്,' ആഭ്യന്തര സുരക്ഷാ സെക്രട്ടറി അലജാന്‍ഡ്രോ മയോര്‍കാസ് പറഞ്ഞു.
നിലവില്‍, യുകെ, ചൈന, ഇന്ത്യ, ദക്ഷിണാഫ്രിക്ക, ഇറാന്‍, ബ്രസീല്‍, യൂറോപ്യന്‍ രാജ്യങ്ങള്‍ എന്നിവിടങ്ങളിലേക്ക് പോയ മിക്ക യുഎസ് ഇതര പൗരന്മാരെയും യുഎസിലേക്ക് നേരിട്ടുള്ള പ്രവേശനം അനുവദിച്ചിട്ടില്ല.എന്നാല്‍ ആ നിയമങ്ങള്‍ നവംബറില്‍ എടുത്തുകളയും യുഎസ് പ്രസിഡന്റ് ജോ ബൈഡന്‍ പറഞ്ഞു.
വിദ്യാര്‍ത്ഥികള്‍, ട്രക്ക് ഡ്രൈവര്‍മാര്‍, യുഎസ് പൗരന്മാര്‍, ആരോഗ്യ പരിപാലന തൊഴിലാളികള്‍ എന്നിവരുള്‍പ്പെടെയുള്ള അവശ്യ യാത്രക്കാരെ വിലക്കിയിട്ടില്ല. എന്നിരുന്നാലും, 2022 ജനുവരി മുതല്‍, മെക്‌സിക്കോയില്‍ നിന്നോ കാനഡയില്‍ നിന്നോ യുഎസിലേക്ക് പോകാന്‍ അവര്‍ വാക്‌സിനേഷന്റെ സര്‍ട്ടിഫിക്കറ്റ് കാണിക്കേണ്ടതുണ്ട്.
Facebook
Twitter
