യുഎഇയില് ഉടനീളം കനത്ത മൂടല്മഞ്ഞ് രൂപപ്പെട്ടേക്കും ; മുന്നറിയിപ്പ്
യുഎഇയില് ഉടനീളം കനത്ത മൂടല്മഞ്ഞ് രൂപപ്പെടാന് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. മൂടല്മഞ്ഞ് കാരണം ദൂരക്കാഴ്ച തടസപ്പെടാന് സാധ്യതയുള്ളതിനാല് വാഹനങ്ങള് ഓടിക്കുന്നവര്ക്ക് ജാഗ്രതാ നിര്ദേശം നല്കിയിട്ടുണ്ട്. എല്ലാ മുന്കരുതല് നടപടികളും സ്വീകരിച്ച് അതീവ ശ്രദ്ധയോടെ മാത്രം വാഹനങ്ങള് ഓടിക്കണമെന്നും ഗതാഗത നിയമങ്ങള് കര്ശനമായി പാലിക്കണമെന്നും അധികൃതര് ആവശ്യപ്പെട്ടു.