പ്രധാനമന്ത്രി ബോറിസ് ജോണ്സണിന്റെ ജനപ്രീതി ഇടിയുകയാണ്. കള്ളം പറയുന്നുവെന്നതാണ് പ്രധാന കാരണം . ന്യായീകരിക്കാനാകാത്ത തെറ്റ് ചെയ്ത് വളച്ചൊടിക്കുന്നുവെന്നാണ് വിമര്ശകര് പറയുന്നത്.
രാജ്യം മുഴുവന് പ്രതിസന്ധിയിലൂടെ പോകുമ്പോള് പാര്ട്ടി നടത്തി ആഘോഷിച്ചത് ജനത്തെ കുറച്ചൊന്നുമല്ല പ്രകോപിപ്പിച്ചിരിക്കുന്നത്.
ലോക്ക്ഡൗണ് കര്ശനമാക്കി വിവാഹ മരണ ചടങ്ങില് പോലും ആര്ക്കും പങ്കെടുക്കാന് കഴിയാത്ത അവസ്ഥയായിരുന്നു. പ്രിയപ്പെട്ടവരെ കാണാന് പോലുമാകാതെ പലരും വിഷമിച്ചു. ലോക്ക്ഡൗണ് എന്നത് മാനസികമായും ജനത്തെ തളര്ത്തി. ഇതിനിടെയാണ് പ്രധാനമന്ത്രിയും ഭാര്യയും പാര്ട്ടി നടത്തിയത്. എല്ലാവരും ഒത്തുകൂടി ആഘോഷിച്ചപ്പോള് അത് ഉള്ക്കൊള്ളാന് ലോക്ക്ഡൗണില് ബുദ്ധിമുട്ടിയവര്ക്ക് സാധിക്കുന്നില്ലെന്നതാണ് വസ്തുത.
ബോറിസിനെതിരെ ജന രോഷം ഉയരുകയാണ്. കൊട്ടാരം പോലും കോവിഡ് പ്രോട്ടോക്കോള് പാലിച്ചാണ് ഫിലിപ് രാജകുമാരന് വിട നല്കിയത്. രാജ്ഞിയ്ക്ക് മാത്രം അടുത്തിരിക്കാന് അനുവാദം നല്കിയത്. മറ്റ് ബന്ധുക്കള് പന്ത്രണ്ട് അടി അകലെയാണ് ഇരുന്നത്. രാജകുടുംബം ഇത്തരത്തില് മുന്നോട്ട് പോയപ്പോഴാണ് ബോറിസ് പാര്ട്ടി നടത്തി ആഘോഷിച്ചത്.
ഇപ്പോഴിതാ ബോറിസിനെതിരെ ഒരു കുരുന്നിന്റെ വാക്കുകള് സോഷ്യല്മീഡിയ ഏറ്റെടുത്തിരിക്കുകയാണ്. ഡൗണിങ് സ്ട്രീറ്റില് നടന്ന പാര്ട്ടിയില് പങ്കെടുത്ത ബോറിസിനെതിരെ ലെസ്റ്ററിലെ ലൈല സൊമാനി എന്ന കുരുന്നാണ് പ്രതിഷേധിക്കുന്നത്. മുത്തച്ഛനും മുത്തശ്ശിക്കും കുരുന്ന് വാര്ത്ത പറഞ്ഞു കൊടുക്കുന്നതിനിടെയാണ് മാതാപിതാക്കള് വീഡിയോ ചിത്രീകരിച്ചത്. സോഷ്യല്മീഡിയയില് സംഭവം വൈറലായി.
ബോറിസ് എല്ലാവരോടും വീട്ടിലിരിക്കാന് പറഞ്ഞു. എന്നിട്ട് പാര്ട്ടിയില് പങ്കെടുക്കാന് പോയി. ശരിക്കും ഒരു വികൃതി ചെക്കനാണ് ബോറിസ്. അതുമാറ്റാന് നോട്ടി സെന്ററില് ചേര്ക്കണം.ഇനി പ്രധാനമന്ത്രിയാകാന് ബോറിസിന് ആകില്ല. അയാള് ചീത്ത പ്രധാനമന്ത്രിയാണെന്ന് കുഞ്ഞ് പറയുന്നു.