വെറും നാടകം; തിരഞ്ഞെടുപ്പ് സ്റ്റണ്ട് മാത്രം; പി.സി ജോര്‍ജ്ജിന് എതിരായ നടപടിയില്‍ കെ.സി വേണുഗോപാല്‍

വെറും നാടകം; തിരഞ്ഞെടുപ്പ് സ്റ്റണ്ട് മാത്രം; പി.സി ജോര്‍ജ്ജിന് എതിരായ നടപടിയില്‍ കെ.സി വേണുഗോപാല്‍
പിസി ജോര്‍ജ്ജിനെതിരായ നടപടി സര്‍ക്കാര്‍ ഒത്തുകളിക്കുന്ന ഒരു നാടകം മാത്രമാണെന്ന് എഐസിസി ജനറല്‍ സെക്രട്ടറി കെ.സി വേണുഗോപാല്‍ എംപി. തീവ്രനിലപാടുകളുള്ളവരെ തലോടുന്ന സമീപനമാണ് പിണറായി സര്‍ക്കാരിനുള്ളതെന്നും നടപടി തൃക്കാക്കര തിരഞ്ഞെടുപ്പ് സ്റ്റണ്ട് മാത്രമാണെന്നും അദ്ദേഹം കുറ്റപ്പെടുത്തി.

വിദ്വേഷ പ്രസംഗക്കേസില്‍ പിസി ജോര്‍ജ്ജിനെ വഞ്ചിയൂര്‍ കോടതി പതിനാല് ദിവസത്തേക്ക് റിമാന്‍ഡ് ചെയ്തു. പൂജപ്പുര ജയിലില്‍ എത്തിച്ചു. പി.സി.ജോര്‍ജ്ജ് വിദ്വേഷ പ്രസംഗം ആവര്‍ത്തിച്ചത് ഗൂഢാലോചനയുടെ ഭാഗമെന്നാണ് റിമാന്‍ഡ് റിപ്പോര്‍ട്ട്. പ്രസ്താവന ആവര്‍ത്തിച്ചത് രണ്ട് മതവിഭാഗങ്ങള്‍ തമ്മില്‍ സ്പര്‍ധയുണ്ടാക്കാനെന്നും പി.സി.ജോര്‍ജ്ജി്‌ന്റെ ശബ്ദ സാംപിള്‍ പരിശോധിക്കണമെന്നും പൊലീസ് വ്യക്തമാക്കിയിരുന്നു.

അതേസമയം പ്രീണന രാഷ്ട്രീയത്തിന്റെ രക്തസാക്ഷിയാണ് പി.സി.ജോര്‍ജ്ജെന്ന് അദ്ദേഹത്തിന്റെ മകന്‍ ഷോണ്‍ ജോര്‍ജ്ജ് പറഞ്ഞു. ഇവിടത്തെ മത, ജാതി സ്പര്‍ധ വളര്‍ത്തിക്കൊണ്ട് വോട്ടു നേടാനുള്ള ശ്രമമാണ് സര്‍ക്കാരിന്റേത്. തൃക്കാക്കര ഉപതെരഞ്ഞെടുപ്പ് മുന്നില്‍ കണ്ടുള്ളതാണ് ഇപ്പോഴത്തെ നടപടി. തൃക്കാക്കര ഉപതെരഞ്ഞടുപ്പു കഴിഞ്ഞിരുന്നെങ്കില്‍ അറസ്റ്റും എഫ്‌ഐആറും ഉണ്ടാവില്ലായിരുന്നുവെന്നും അദ്ദേഹം പറഞ്ഞു.

Other News in this category



4malayalees Recommends