ന്യു യോര്ക്ക്: ന്യു യോര്ക്ക് സ്റ്റേറ്റില് ഓഗസ്റ് ഇന്ത്യന് പൈതൃക മാസമായി (ഇന്ത്യന് ഹെറിറ്റേജ് മന്ത്) ആഘോഷിക്കുന്നതിന്റെ ഭാഗമായി റോക്ക് ലാന്ഡ് കൗണ്ടി ലെജിസ്ളേറ്റര് ഡോ. ആനി പോള് മൂന്ന് മലയാളികളടക്കം അഞ്ച് ഇന്ത്യാക്കാരെ അവാര്ഡ് നല്കി ആദരിച്ചു.
മലയാളികളായ അപ്പുക്കുട്ടന് നായര്, ഫിലിപ്പോസ് ഫിലിപ്, പോള് കറുകപ്പള്ളി എന്നിവര്ക്ക് പുറമെ രാജേശ്വരി അയ്യര്, രാജന് ബരന്വാള് എന്നിവരെയാണ് വിശിഷ്ട സേവനത്തിനു ആദരിച്ചത്.
ന്യൂയോര്ക്ക് സ്റ്റേറ്റ് അസംബ്ലി അംഗമായ കെന് സെബ്രാസ്കി ആഗസ്റ്റ് മാസം ന്യൂയോര്ക്കില് ഇന്ത്യന് പൈതൃക മാസമായി ആചരിക്കണമെന്ന് ബില് അവതരിപ്പിച്ചത് 2015ല് ആണെന്ന് ആനി പോള് ചൂണ്ടിക്കാട്ടി. സെനറ്റിലും ഇത് പാസാകുകയും ഗവര്ണര് ഒപ്പുവയ്ക്കുകയും ചെയ്തതോടെ ഓഗസ്റ്റ് ഇന്ത്യന് പൈതൃക മാസമായി. അസംബ്ലിമാന് കെന് സെബ്രോസ്കിക്ക് നന്ദി.
ഈ വര്ഷം ഇന്ത്യ സ്വാതന്ത്ര്യം നേടിയതിന്റെ 75ാം വാര്ഷികമായതുകൊണ്ട് , ഭാരത സര്ക്കാര് നേതൃത്വം നല്കുന്ന ആസാദി കാ അമൃത് മഹോത്സവിന്റെ ഭാഗമാണ് ഈ ആഘോഷവും. ഭാരതമണ്ണിനായി സ്വയം ത്യജിച്ചവരുടെയും നാടിന്റെ സംസ്കാരത്തിന്റെയും നേട്ടങ്ങളുടെയും മഹത്തായ ചരിത്രം ആഘോഷിക്കാനും ഓര്മ്മിക്കാനും ഇന്ത്യാ ഗവണ്മെന്റ് തുടക്കമിട്ട സംരംഭമാണിത്.
ഈ ആഘോഷത്തിന്റെ ഭാഗമായി അഞ്ച് സമുദായ നേതാക്കളുടെ സംഭാവനകള് എടുത്തുകാട്ടുന്നു. . ഇതോടൊപ്പം ജോയ്സ് വെട്ടത്തിന്റെ നേതൃത്വത്തിലുള്ള ചെണ്ടമേളവും പുതുമയാണ്അവര് ചൂന്തിക്കാട്ടി.
മലബാര് മേളത്തിന്റെ റോക്ക്ലാന്ഡിലെ അധ്യാപകനാണ് ജോയ്സ് വെട്ടം. അദ്ദേഹത്തോടൊപ്പം ആന്റണി പറമ്പി, തോമസ് വടകര, സ്വപ്ന ജോര്ജ്, ഗബിയേല ജോര്ജ്, ക്രിസ്റ്റിയന് ജോര്ജ്, ആന്റണി ഫിലിപ് തോമസ്, ആന് മേരി തോമസ്, പോള് വിനോയി, തോമസ് വെട്ടത്തു മാത്യു എന്നിവരാണ് ചെണ്ടമേളം അവതരിപ്പിച്ചത്.
ചടങ്ങില് അവാര്ഡ് ജേതാക്കളുടെ കുടുംബാംഗങ്ങളും കമ്യുണിറ്റി ലീഡേഴ്സും പങ്കെടുത്തു.
അപ്പുക്കുട്ടന് നായര്
അപ്പുക്കുട്ടന് നായര് 1977ല് എത്തുമ്പോള് വളരെ കുറച്ച് മലയാളികള് മാത്രമേ റോക്ക്ലാന്ഡ് കൗണ്ടിയില് താമസിച്ചിരുന്നുള്ളൂ. എണ്ണത്തില് കുറവാണെങ്കില് പോലും, മലയാളികള്ക്ക് തങ്ങളുടേതായ ഒരു സംഘടന വേണമെന്ന് അദ്ദേഹം തിരിച്ചറിഞ്ഞു. പരസ്പരം സഹായിക്കുക, കേരളത്തിന്റെ സംസ്കാരം പ്രോത്സാഹിപ്പിക്കുക എന്നീ ഉദ്ദേശങ്ങളോടെയാണ് അദ്ദേഹം ഹഡ്സണ് വാലി മലയാളി അസോസിയേഷന്റെ (എച്ച് വി എം എ ) രൂപീകരണത്തിന് മുന്നില് നിന്നത്. യുവതലമുറയിലെ കലാഭിരുചികളെ പ്രോത്സാഹിപ്പിക്കുന്നതില് അദ്ദേഹം പുലര്ത്തുന്ന അര്പ്പണബോധവും അഭിനിവേശവും പ്രശംസനീയമാണ്.
എച്ച്.വി.എം.എ മലയാളം സ്കൂളിന്റെ സ്ഥാപക അംഗമായ അപ്പുക്കുട്ടന് നായര്, നമ്മുടെ നാടിന്റെ കലയും സംസ്കാരവും പ്രോത്സാഹിപ്പിക്കുന്നതിന് നേതൃത്വം നല്കി.
കൗണ്ടിയില് ഭജന് ഗ്രൂപ്പ് എന്ന പേരില് ഒരു പ്രാര്ത്ഥനാ സംഘം ആരംഭിക്കാന് സഹായിച്ച അദ്ദേഹം, ട്രൈസ്റ്റേറ്റ് ഏരിയയിലെ നായര് ബെനവലന്റ് അസോസിയേഷനിലെ (NBA) വളരെ സജീവമായ അംഗം കൂടിയാണ്.
ക്വീന്സ് ആസ്ഥാനമാക്കി പ്രവര്ത്തിക്കുന്ന മൂവായിരത്തിലധികം അംഗങ്ങളുള്ള എന്ബിഎയുടെ പ്രസിഡന്റുമാണ് ഇപ്പോള്. ഇന്ത്യയിലെ പ്രളയബാധിതരെ സഹായിക്കാനും നയാക്കിലെ ഭവനരഹിതര്ക്ക് ഭക്ഷണം ശേഖരിക്കുന്നതിനും അദ്ദേഹം നടത്തിയ പ്രവര്ത്തനങ്ങളും അഭിനന്ദനാര്ഹമാണ്.
ഫിലിപ്പോസ് ഫിലിപ്പ്
യുവാക്കളുടെ ശക്തമായ വക്താവെന്ന നിലയില് പ്രചോദനാത്മകമായ പ്രവര്ത്തനങ്ങള് കാഴ്ചവയ്ക്കുന്ന ശക്തനായ ഈ നേതാവ്, ന്യൂയോര്ക്ക് സ്റ്റേറ്റ് ഉദ്യോഗസ്ഥനാണ്. സേവനരംഗത്തു ശക്തമായ പ്രതിബദ്ധത വളര്ത്തിയെടുക്കാനും സഹായങ്ങള് നല്കാനും ഫിലിപ്പോസ് ഫിലിപ്പ് എന്നും മുന്നിലുണ്ട്. ഇലക്ട്രിക്കല് എഞ്ചിനീയറിങ് ബിരുദധാരിയായ അദ്ദേഹം, വിവിധ സംഘടനകളില് നിരവധി പദവികള് വഹിച്ചിട്ടുണ്ട്. രക്തദാനം ഉള്പ്പെടെയുള്ള ജീവകാരുണ്യ പരിപാടികള് സംഘടിപ്പിക്കുന്നതിലും ആവേശത്തോടെ ഏര്പ്പെട്ടിട്ടുണ്ട്.
കേരള എന്ജിനീയറിങ് ഗ്രാജുവേറ്റ്സ് അസോസിയേഷന് ഓഫ് നോര്ത്ത് ഈസ്റ്റ് അമേരിക്ക (KEAN)യുടെ സ്ഥാപക ജനറല് സെക്രട്ടറിയാണ്. എഞ്ചിനീയറിംഗ് വിദ്യാര്ത്ഥികള്ക്ക് നിര്ദ്ദേശങ്ങള് നല്കുന്നതിനും സാമ്പത്തികമായി ബുദ്ധിമുട്ടുന്ന എഞ്ചിനീയറിംഗ് വിദ്യാര്ത്ഥികള്ക്ക് സ്കോളര്ഷിപ്പുകളിലൂടെ കൈത്താങ്ങാകുന്നതിലും ഈ സംഘടന കാഴ്ചവയ്ക്കുന്ന പ്രവര്ത്തനങ്ങള് സ്തുത്യര്ഹമാണ്.
നിലവില് 500,000 മലയാളികളെ പ്രതിനിധീകരിക്കുന്ന ഫൊക്കാനയുടെ (ഫെഡറേഷന് ഓഫ് കേരള അസോസിയേഷന്സ് ഇന് നോര്ത്ത് അമേരിക്ക) ബോര്ഡ് ഓഫ് ട്രസ്റ്റി ചെയര്മാനായി സേവനമനുഷ്ഠിക്കുന്നു.
ഹഡ്സണ് വാലി മലയാളി അസോസിയേഷന്റെ മുന് പ്രസിഡന്റ്, ബോര്ഡ് ഓഫ് ട്രസ്റ്റി ചെയര്മാന്, ചീഫ് എഡിറ്റര്, കമ്മിറ്റി അംഗം എന്നീ പദവികള് വഹിച്ചു. കേരളത്തില് നിന്നുള്ള കുടിയേറ്റക്കാരുടെ ആവശ്യങ്ങള് നിറവേറ്റുന്നതിലും ഇന്ത്യയുടെ സംസ്കാരവും പൈതൃകവും സംരക്ഷിക്കുന്നതിലും വലിയ സംഭാവന നല്കിയിട്ടുള്ള സംഘടനയാണിത്.
ഇന്ത്യന് ഓര്ത്തഡോക്സ് ചര്ച്ച് ഓഫ് റോക്ക്ലാന്ഡിലെ (സഫേണ്, ന്യൂയോര്ക്ക്)സജീവ അംഗമായ ഫിലിപ്പ്, ബ്ലഡ് ഡ്രൈവുകള് സംഘടിപ്പിക്കുന്നതുള്പ്പെടെ നിരവധി ജീവകാരുണ്യപ്രവര്ത്തനങ്ങള്ക്കും നേതൃത്വം നല്കി. ചര്ച്ചിലെ യുവാക്കള് '5K walk' എന്ന പേരില് കഴിഞ്ഞ എട്ടുവര്ഷങ്ങളായി ചാരിറ്റി പ്രവര്ത്തനങ്ങള്ക്കായി ധനശേഖരണാര്ത്ഥം നടത്തുന്ന പ്രവര്ത്തനങ്ങള്ക്ക് മികച്ച പിന്തുണയും മാര്ഗനിര്ദേശവും നല്കിക്കൊണ്ട് അദ്ദേഹം മുന്പില് തന്നെയുണ്ട്. $50,000ല് അധികം ഇതിലൂടെ സമാഹരിച്ചു. പാവങ്ങള്ക്ക് ഭക്ഷണം എത്തിക്കുന്ന പദ്ധതികളും നടപ്പാക്കിയിട്ടുണ്ട്.
നോര്ത്ത് അമേരിക്കയില് 110 ല്പരം പള്ളികളുള്ള ഇന്ത്യന് ഓര്ത്തഡോക്സ് സഭയിലെ മാനേജിംഗ് കമ്മിറ്റി അംഗമെന്ന നിലയില് പ്രവര്ത്തിക്കുമ്പോള് ധാരാളം ജീവകാരുണ്യ പ്രവര്ത്തനങ്ങള് നടത്തുന്നതിലും സജീവമായി പങ്കെടുത്തിട്ടുണ്ട്.
പോള് കറുകപ്പിള്ളില്
പോള് കറുകപ്പിള്ളില് 1980ലാണ് അമേരിക്കയിലെത്തിയത്. കഴിഞ്ഞ 40 വര്ഷത്തിലേറെയായി റോക്ക്ലാന്ഡ് കൗണ്ടിയില് കുടുംബസമേതം താമസിക്കുന്ന അദ്ദേഹം, അറിയപ്പെടുന്ന സാമുദായിക നേതാവാണ്.
റോക്ക്ലാന്ഡിലെയും ന്യൂയോര്ക്കിലെയും നിരവധി സംഘടനകളിലെ സജീവ പ്രവര്ത്തകനുമാണ്. നമ്മുടെ കമ്മ്യൂണിറ്റിയുടെ ഉന്നമനത്തിനായി സമര്പ്പിതമായ പ്രവര്ത്തനങ്ങള് നടത്തിയിട്ടുള്ള പോളിലൂടെ, അമേരിക്കയ്ക്ക് അകത്തും പുറത്തുമുള്ള ഇന്ത്യക്കാര്ക്ക് ധാരാളം അവസരങ്ങള് ലഭിച്ചിട്ടുണ്ട്.
ന്യൂ സിറ്റി ലൈബ്രറിയുടെ ബോര്ഡ് അംഗമായും ഹഡ്സണ് വാലി മലയാളി അസോസിയേഷന് (എച്ച്വിഎംഎ) പ്രസിഡന്റായും നിരവധി സാമൂഹിക പ്രവര്ത്തനങ്ങള് ഏറ്റെടുത്ത് നടപ്പാക്കി. കമ്മ്യൂണിറ്റി ബ്ലഡ് ഡ്രൈവ്, ഇന്ത്യാ ഡേ പരേഡ് എന്നിവയ്ക്ക് പുറമേ റോഡ് വൃത്തിയാക്കുന്നതും നദി ശുദ്ധമാക്കുന്നതുമായ പദ്ധതികള് സംഘടിപ്പിക്കുന്നതിനും ചുക്കാന് പിടിച്ചു.
പൊതുസേവനം അദ്ദേഹത്തിന്റെ രക്തത്തില് കലര്ന്ന ഒന്നാണ്. ആളുകളെ സഹായിക്കുന്നതിന് സാമൂഹിക സാംസ്കാരിക പരിപാടികള് സംഘടിപ്പിക്കുന്നതില് പ്രത്യേക ഊര്ജ്ജമാണ് പോള് കാഴ്ചവച്ചിട്ടുള്ളത്. കോവിഡ് മൂലം പ്രിയപ്പെട്ടവരെ നഷ്ടപ്പെട്ട നിരവധി കുടുംബങ്ങള്ക്ക് അദ്ദേഹം സഹായം എത്തിച്ചു. ഉറ്റവരുടെ അന്തിമ സംസ്കാരത്തിനായി മൃതദേഹങ്ങള് ഇന്ത്യയിലേക്ക് തിരികെ കൊണ്ടുപോകാന് ആഗ്രഹിച്ചവര്ക്ക്, അതിന് ആവശ്യമായ നിയമപരവും നയതന്ത്രപരവുമായ എല്ലാ രേഖകളും തയ്യാറാക്കി കൊടുക്കുന്നതുള്പ്പെടെയുള്ള കാര്യങ്ങള്ക്കും നസീമമായ പിന്തുണ നല്കി.
റോക്ക്ലാന്ഡ് കൗണ്ടിയില് രൂപീകരിച്ച ആദ്യത്തെ പ്രാദേശിക സംഘടനയായ HVMAയുടെ സ്ഥാപക അംഗം കൂടിയാണ് പോള്.
1983ല് സ്ഥാപിതമായ ഫൊക്കാന എന്ന മലയാളികളുടെ ദേശീയ സംഘടനയുടെ പ്രസിഡന്റായി രണ്ട് തവണ പ്രവര്ത്തിച്ചിരുന്നു.
മലയാളികളെ ചേര്ത്ത് നിര്ത്തുകയും കേരളത്തിന്റെ സംസ്കാരത്തെ ഉയര്ത്തിപ്പിടിക്കുകയും ചെയ്യുന്ന നിരവധി സംഘടനകളുമായി ചേര്ന്ന് അദ്ദേഹം പ്രവര്ത്തിച്ചിട്ടുണ്ട്. അവയില് ചിലത് താഴെ കൊടുക്കുന്നു:
FAM (ഫിലിം ആര്ട്ട്സ് & മീഡിയ ക്ലബ് ഓഫ് നോര്ത്ത് അമേരിക്ക) ക്ലബ്
ഇന്ത്യന് അമേരിക്കന് മലയാളി ചേംബര് ഓഫ് കൊമേഴ്സ്,
മാനേജിംഗ് കമ്മിറ്റി അംഗം: NEഅമേരിക്കന് ഡിയോസെസ് ഓഫ് ഇന്ത്യന് ഓര്ത്തഡോക്ള്സ് ചര്ച്ചസ്
മാനേജിംഗ് ഡയറക്ടര്: കേരള ടൈംസ്
ഉപദേശക സമിതി അംഗം: പരുമല കാന്സര് സെന്റര്
ബോര്ഡ് ഓഫ് ഡയറക്ടര് : ഓര്ത്തഡോക്സ് ടിവി
ഡയറക്ടര്: ജയ്ഹിന്ദ് ടിവി യുഎസ്എ & കാനഡ
രാജേശ്വരി അയ്യര്
രാജേശ്വരി അയ്യര് 1975 മുതല് റോക്ക്ലാന്ഡ് കൗണ്ടിയില് താമസിക്കുന്നു. സോഷ്യല് വര്ക്കറെന്ന നിലയില് വളര്ച്ചാ വൈകല്യമുള്ളവര്ക്കായി പ്രവര്ത്തിക്കുകയും ആ ഡിപ്പാര്ട്ട്മെന്റില് അഡ്മിനിസ്ട്രേറ്ററാവുകയും ചെയ്തു. . അവള്ക്ക് ധാരാളം ഉണ്ടായിരുന്നു
ജോലിയില് ഒട്ടേറെ അവാര്ഡുകള് നേടിയിട്ടുള്ള അവര് 37 വര്ഷത്തെ സേവനത്തിനു ശേഷം 2017ല് വിരമിച്ചു
യോഗ ഇഷ്ടപ്പെടുന്ന അവര് മറ്റുള്ളവരെ സഹായിക്കുന്നതിന് സന്നദ്ധസേവനം ചെയ്യുകയും നേതൃത്വം ഏറ്റെടുക്കുകയും ചെയ്യുന്നു. കൊവിഡ് സമയത്ത് ചാരിറ്റി കളക്ഷനുകള്ക്കായി സഹായിച്ചു.
നിശബ്ദമായി പ്രവര്ത്തിക്കുന്ന നിസ്വാര്ത്ഥ വ്യക്തിത്വത്തിനുടമയാണ് രാജി. വ്യക്തികള്ക്കും ഗ്രൂപ്പുകള്ക്കും സഹായം ആവശ്യമായി വരുമ്പോള് അതിനായി മുന്നിട്ടിറങ്ങുന്ന. ആവ്യശ്യക്കാരെ ഡോക്ടര്മാരുടെ അടുത്ത് കൊണ്ട് പോകുക തുടങ്ങിയവക്ക് അവര് മുന്നിലുണ്ട്.
ജീവന് ജ്യോതി 2009ല് ആരംഭിച്ചതു മുതല് മുഖ്യ പരിപാടിയായ യോഗ ഗ്രൂപ്പിന് നേതൃത്വം നല്കുന്നു.
ഈ വര്ഷങ്ങളിലെല്ലാം ബോര്ഡ് അംഗമായും സെക്രട്ടറിയായും സമൂഹം. ജീവന്
ജ്യോതി എന്നാല് ജീവിതത്തിന്റെ വെളിച്ചമാണ്, അത് അവരുടെ ജീവിതത്തിലും ജീവിതത്തിലും ഒരു വെളിച്ചമാണ്
ബുക്ക് ക്ലബ്ബിന്റെയും വിമന്സ് ഫിനാന്സ് ഗ്രൂപ്പിന്റെയും തുടക്കം മുതല് അതില് സജീവം. കോവിഡ് കാലത്തും എല്ലാ ജീവന് ജ്യോതി പരിപാടികളും സൂമില് തുടര്ന്നു
രാജന് ബരന്വാള്
1984 മുതല് റോക്ക്ലാന്ഡ് കൗണ്ടിയിലെ താമസക്കാരനാണ് രാജന് ബരന്വാള്. റോക്ക്ലാന്ഡ് സൈക്യാട്രിക് സെന്ററില് 34 വര്ഷം സോഷ്യല് വര്ക്കാരായി ജോലി ചെയ്തു. സോഷ്യല് വര്ക്കേറെന്ന നിലയിലുള്ള അറിവും കഴിവും സമൂഹത്തെ സഹായിക്കാന് ഉപയോഗിക്കുന്നു.
2004 ല് ഇന്ത്യ കള്ച്ചറല് സൊസൈറ്റി ഓഫ് റോക്ക്ലാന്ഡിന്റെ (ICSR) ബോര്ഡ് അംഗമായി തുടങ്ങി 2014ല് സംഘടനയുടെ പ്രസിഡന്റായും തുടര്ന്ന് ബോര്ഡ് അംഗമായും തുടരുന്നു
ഐസിഎസ്ആറില് സന്നദ്ധസേവനം നടത്തുമ്പോള് തന്നെ രാജന് വിവിധ സന്നദ്ധസേവനങ്ങളിലും കമ്മ്യൂണിറ്റി പ്രവര്ത്തനങ്ങളിലും ഏര്പ്പെട്ടിരുന്നു. സൂപ്പ് കിച്ചണില് സന്നദ്ധസേവനം, വസ്ത്രങ്ങളുടെ ശേഖരണം, കുട്ടികള്ക്കു വേണ്ടി കളിപ്പാട്ടങ്ങള് ശേഖരിക്കല് തുടങ്ങിയവ.
ഇന്ത്യന് സംസ്കാരത്തെക്കുറിച്ചുള്ള അറിവ് പകരുന്ന സാംസ്കാരിക പരിപാടികളും പ്രവര്ത്തനങ്ങളും. സംഘടിപ്പിക്കാന് നേതൃത്വം നല്കുന്നു
ജീവന് ജ്യോതി സ്ഥാപക അംഗങ്ങളില് ഒരാളാണ് രാജന്. 2020 മുതല് ജീവന് ജ്യോതിയുടെ പ്രസിഡന്റായി സേവനമനുഷ്ഠിച്ചു.
ഭാര്യ വീണയ്ക്കൊപ്പം ന്യൂ സിറ്റിയില് താമസിക്കുന്നു. മുതിര്ന്ന രണ്ട് മക്കളുണ്ട്.