പാര്ലമെന്റില് എസ്എഫ്ഐ നിരോധിക്കണമെന്ന് ആവശ്യപ്പെട്ട എറണാകുളം എംപി ഹൈബി ഈഡനെതിരെ പ്രതിഷേധവുമായി എസ്എഫ്ഐ.'ഇന്ദിരയ്ക്ക് കഴിഞ്ഞിട്ടില്ല പിന്നല്ലേ ഈഡന്' എന്നെഴുതിയ ബാനറാണ് സോഷ്യല് മീഡിയയില് വ്യാപകമായി പ്രചരിപ്പിക്കുന്നത്.
എറണാകുളം മഹാരാജാസ് കോളേജിന് മുന്നില് എസ്എഫ്ഐ ഉയര്ത്തിയ പോസ്റ്ററാണ് സോഷ്യല് മീഡിയയില് വൈറലാകുന്നത്. എസ്എഫ്ഐയെ ഭീകര സംഘടനകളുടെ പട്ടികയില് ഉള്പ്പെടുത്തി നിരോധിക്കണമെന്ന് ഹൈബി ഈഡന് ലോക്സഭയില് ആവശ്യപ്പെട്ടിരുന്നു. ഇതിനെതിരെയാണ് പ്രതിഷേധം.
വിദ്യാര്ത്ഥി സംഘടനയായ എസ് എഫ് ഐ നിരോധിക്കണമെന്ന ആവശ്യമാണ് ഹൈബി ഈഡന് എം പി പാര്ലമെന്റില് കഴിഞ്ഞ ആഴ്ച ഉന്നയിച്ചത്. തിരുവനന്തപുരം ലോ കോളജില് വിദ്യാര്ത്ഥിനിയെ മര്ദ്ദിച്ച സംഭവം ചൂണ്ടിക്കാട്ടിയാണ് ഹൈബി ഈഡന് പാര്ലമെന്റില് വിഷയം അവതരിപ്പിച്ചത്.