കോണ്ഗ്രസ് നേതാവ് രാഹുല് ഗാന്ധി നയിക്കുന്ന ഭാരത് ജോഡോ യാത്രയ്ക്ക് എതിരെ ഹൈക്കോടതിയില് ഹര്ജി. ഭാരത് ജോഡോ യാത്ര കാരണം റോഡുകളില് ഗതാഗതസ്തംഭനം ഉണ്ടാകുന്നുവെന്ന് ആരോപിച്ചാണ് ഹര്ജി. ഹൈക്കോടതിയിലെ ഒരു അഭിഭാഷകനാണ് ഹര്ജി നല്കിയിരിക്കുന്നത്.
ഗതാഗതതടസ്സം ഒഴിവാക്കാന് ഭാരത് ജോഡോയാത്ര ദേശീയപാതയുടെ ഒരുഭാഗത്ത് കൂടി മാത്രമാക്കണമെന്നും മറുഭാഗം ഗതാഗതത്തിനായി തുറന്നു കൊടുക്കാന് നിര്ദേശിക്കണമെന്നും ഹര്ജിയില് ആവശ്യപ്പെടുന്നു. യാത്രയ്ക്ക് പൊലീസ് നല്കുന്ന സുരക്ഷയ്ക്ക് വേണ്ടി പണം ഈടാക്കണമെന്നും ഹര്ജിയില് പറയുന്നുണ്ട്.
രാഹുല് ഗാന്ധി, കെപിസിസി പ്രസിഡന്റ് കെ.സുധാകരന് അടക്കമുള്ള നേതാക്കളെ എതിര് കക്ഷിയാക്കിയാണ് ഹര്ജി സമര്പ്പിച്ചിരിക്കുന്നത്. ഹര്ജി ഫയലില് സ്വീകരിച്ച ഹൈക്കോടതി വിഷയം നാളെ പരിഗണിക്കും.