ഗള്ഫ് കറന്സികളുടെ മൂല്യം കുത്തനെ ഉയര്ന്നു ; നാട്ടിലേക്ക് പണം അയയ്ക്കാന് പ്രവാസികളുടെ തിരക്കേറി
ഇന്ത്യന് രൂപ സര്വ്വകാല തകര്ച്ചയിലേക്ക്. ഇന്ത്യന് രൂപയുടെ മൂല്യം ഒരു ഡോളറിന് 81.16 എന്ന നിലയിലേക്ക് എത്തി. ഇന്ത്യന് രൂപ വലിയ ഇടിവ് നേരിടുമ്പോള് ഈ സാഹചര്യം പ്രയോജനപ്പെടുത്തുകയാണ് പ്രവാസികള്. ഇന്ത്യന് രൂപക്കെതിരെ ചരിത്രത്തിലെ ഏറ്റവും ഉയര്ന്ന നിലയില് ഗള്ഫ് കറന്സികള് എത്തിയതോടെ നാട്ടിലേക്ക് പണം അയയ്ക്കാന് ഈ അവസരം ഉപയോഗപ്പെടുത്തുന്ന തിരക്കിലാണ് പ്രവാസികള്.
ചരിത്രത്തില് ആദ്യമായി ഖത്തര് റിയാലും ഇന്ത്യന് രൂപയും തമ്മിലുള്ള വിനിമയ മൂല്യം 22 രൂപ കടന്നു. 2020 മാര്ച്ചിലാണ് രൂപയും റിയാലും തമ്മിലുള്ള വിനിമയ മൂല്യം 20 രൂപയായത്. ഇക്കഴിഞ്ഞ മേയ് മാസത്തില് ഇത് 21ലേക്കെത്തി. ഗള്ഫ് കറന്സികളുടെ എല്ലാം വിനിമയ മൂല്യം ഉയര്ന്നിരിക്കുകയാണ്. ഡോളറിന് എതിരെ രൂപയുടെ മൂല്യം ഇടിഞ്ഞത്തോടെ ആണ് ഗള്ഫ് കറന്സികളുടെ മൂല്യം വര്ധിച്ചത്.
ഒരു യുഎഇ ദിര്ഹത്തിന് 22 രൂപ എന്ന തലത്തിലേക്ക് ഇന്ത്യന് രൂപയുടെ മൂല്യം ഇടിഞ്ഞു. വ്യാഴാഴ്ച രാവിലെ യുഎഇ ദിര്ഹത്തിന് 21.92 രൂപ വരെ ലഭിച്ചു. 22.03 രൂപ എന്ന നിലയിലേക്കും ഇന്നലെ എത്തി. എമിറേറ്റ്സ് എന് ബി ഡി വഴി പണം അയച്ചവര്ക്ക് 21.86 രൂപ വരെ ലഭിച്ചു. ഒരു സൗദി റിയാലിന് 21.49 രൂപ. ഖത്തര് റിയാല് 22.41 രൂപ. ഒരു ബഹ്റൈന് ദിനാറിന് 214.52. കുവൈത്ത് ദിനാറിന്റെ മൂല്യം 261 രൂപക്ക് മുകളില് എത്തി. ഒമാന് റിയാല് മൂല്യം 210 രൂപ കടന്നു.
നാട്ടിലേക്ക് പണം അയയ്ക്കാന് പ്രവാസികളുടെ തിരക്കേറി. രൂപയുടെ വിലയിടിവ് പരമാവധി ഉപയോഗപ്പെടുത്താനുള്ള തിരക്കിലാണ് ഗള്ഫ് രാജ്യങ്ങളിലെ പ്രവാസികള്.