നിയമലംഘകരായ പ്രവാസികളെ പിടികൂടാനായി കുവൈത്തില് പരിശോധന ശക്തമാക്കി
നിയമലംഘകരായ പ്രവാസികളെ പിടികൂടാനായി കുവൈത്തില് പരിശോധന ശക്തമായി തുടരുന്നു. ജനറല് ഡിപ്പാര്ട്ട്മെന്റ് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന് അധികൃതര് മറ്റ് ബന്ധപ്പെട്ട വകുപ്പുകളുമായി സഹകരിച്ച് നടത്തിയ പരിശോധനയില് 45 താമസ നിയമലംഘകരെ പിടികൂടി.
ആരോഗ്യ മന്ത്രാലയത്തിന്റെ ലൈസന്സില്ലാതെ പ്രവര്ത്തിച്ചതിന് മൂന്ന് നിയമലംഘനങ്ങളും കണ്ടെത്തി. ഭിക്ഷാടനത്തില് ഏര്പ്പെട്ട ഏഴു പേരെയും അറസ്റ്റ് ചെയ്തു. പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി. ഇവരുടെ സ്പോണ്സര്മാര്ക്കെതിരെയും നടപടിയെടുക്കും.