ജോ ബൈഡന് അമേരിക്കയെ നാശത്തിലേക്കും തകര്‍ച്ചയിലേക്കും തള്ളിവിടുകയാണെന്നും ഇനി നാലു വര്‍ഷം കൂടി ബൈഡന് ലഭിക്കില്ലെന്ന് ഉറപ്പാക്കുമെന്നും മുന്‍ പ്രസിഡന്റ് ഡൊണാള്‍ഡ് ട്രംപ്
2024 പ്രസിഡന്‍ഷ്യല്‍ തിരഞ്ഞെടുപ്പിനുള്ള പ്രചാരണ പരിപാടികള്‍ക്ക് തുടക്കം കുറിച്ച് സൗത്ത് കാരലൈനയിലെ കൊളംബിയയില്‍ സംസാരിക്കുകയായിരുന്നു അദ്ദേഹം.
യുഎസ് പ്രസിഡന്റ് ജോ ബൈഡന് അമേരിക്കയെ മൂന്നാം ലോക മഹായുദ്ധത്തിന്റെ വക്കിലെത്തിച്ചെന്നും ട്രംപ് കുറ്റപ്പെടുത്തി.
റഷ്യ യുക്രെയ്ന്‍ സംഘര്‍ഷത്തിന്റെ പശ്ചാത്തലത്തിലാണ് ട്രംപിന്റെ പരാമര്‍ശം.
ദുര്‍ബലമായ സമീപനത്തിലൂടേയും സാമര്‍ത്ഥ്യമില്ലായ്മയിലൂടേയും ജോ ബൈഡന് നമ്മെ മൂന്നാം ലോക മഹായുദ്ധത്തിന്റെ വക്കിലെത്തിച്ചു. താന്‍ പ്രസിഡന്റായാല്‍ സമാധആനം വീണ്ടെടുക്കും, 24 മണിക്കൂറിനുള്ളില്‍ സമാധാന കരാറുണ്ടാക്കാന്‍ തനിക്കാകുമെന്നും ട്രംപ് പറഞ്ഞു.
Facebook
Twitter
