സമീപകാലത്ത് മലയാള സിനിമയില്‍ സാമ്പത്തിക വിജയം നേടുന്നതിനോടൊപ്പം കലാമൂല്യങ്ങളുള്ള സിനിമകളും നിര്‍മ്മിക്കുന്നത്തില്‍ ഏറ്റവും മുന്നില്‍ നില്‍ക്കുന്ന നിര്‍മ്മാതാവാണ് സന്തോഷ്. ടി. കുരുവിള. മഹേഷിന്റെ പ്രതികാരം, മായാനദി, ന്നാ താന്‍ കേസ് കൊട്, ആന്‍ഡ്രോയിഡ് കുഞ്ഞപ്പന്‍, നാരദന്‍, ആര്‍ക്കറിയം, വൈറസ്, ഈ മ യൌ എന്നീ സിനിമകള്‍ നിര്‍മ്മിച്ചിരിക്കുന്നത് സന്തോഷ് ടി കുരുവിളയാണ്.
ഇപ്പോഴിതാ തന്റെ സിനിമ ജീവിതത്തെ കുറിച്ച് സംസാരിക്കുകയാണ് സന്തോഷ് ടി കുരുവിള. പ്രീ റിലീസ് പ്രൊമോഷന്‍ കുറവാണെങ്കിലും ചില സിനിമകള്‍ റിലീസിന് ശേഷമുള്ള പ്രൊമോഷന്‍ വഴി ഉയര്‍ന്നു വരാറുണ്ടെന്നും സന്തോഷ് ടി കുരുവിള പറഞ്ഞു.
'മായനദി എപ്പോഴും മലയാളികളുടെ പ്രിയപ്പെട്ട സിനിമയാണ്. ഈ സിനിമയില്‍ അഭിനയിക്കാനിരുന്നത് ഐശ്വര്യ ലക്ഷ്മി ആയിരുന്നില്ല. ആലപ്പുഴക്കാരിയായ പുതുമുഖ നടിയെയിരുന്നു ആദ്യം കാസ്റ്റ് ചെയ്തിരുന്നത്. സിനിമയുടെ കോസ്റ്റ്യൂം കൊടുത്തപ്പോള്‍ ആ കുട്ടിക്ക് സ്ലീവ്‌ലെസ് ഇടാന്‍ പറ്റില്ലെന്ന് പറഞ്ഞു. സ്ലീവ്‌ലെസ് ഇടാന്‍ പറ്റാത്ത ഒരാളെ വെച്ച് എങ്ങനെയാണ് അത്രയും ഇന്റ്റിമേറ്റായ ഒരു രംഗം ചെയ്യുന്നത്? അങ്ങനെയാണ് ഐശ്വര്യ ലക്ഷ്മിയിലേക്ക് എത്തുന്നത്.' സന്തോഷ് ടി കുരുവിള ഇങ്ങനെ പറഞ്ഞത്.
Facebook
Twitter
