ചൂരല്മലയിലുണ്ടായ ഉരുള്പൊട്ടലിനെ തുടര്ന്ന് ദുരന്ത ഭൂമിയായി മാറിയ വയനാടിനുവേണ്ടി ലോകത്തിന്റെ പല ഭാഗങ്ങളില് നിന്നും സഹായമെത്തുകയാണ്. മുഖ്യമന്ത്രിയുടെ ദുരിതാശ്വാസ നിധിയിലേക്ക് നിരവധി പേരാണ് സംഭാവന നല്കികൊണ്ടിരിക്കുന്നത്.
ഇപ്പോഴിതാ നടനും നിര്മ്മാതാവുമായ സൗബിന് ഷാഹിര് മുഖ്യമന്ത്രിയുടെ ദുരിതാശ്വാസ നിധിയിലേക്ക് 20 ലക്ഷം രൂപയാണ് സംഭാവന നല്കിയിരിക്കുന്നത്. മോഹന്ലാല് 25 ലക്ഷം രൂപയും താരത്തിന്റെ വിശ്വശാന്തി ഫൌണ്ടേഷന് 3 കോടി രൂപയും ദുരിതാശ്വാസ നിധിയിലേക്ക് നല്കിയിരുന്നു. നേരത്തെ ഫഹദ് ഫാസിലും നസ്രിയയും ചേര്ന്ന് 25 ലക്ഷം രൂപയും നല്കിയിരുന്നു.
കൂടാതെ തെന്നിന്ത്യന് താരം വിക്രം 20 ലക്ഷം രൂപയും ബോളിവുഡ് താരം രശ്മിക മന്ദാന പത്ത് ലക്ഷം രൂപയും സൂര്യ, ജ്യോതിക, കാര്ത്തിയും ചേര്ന്ന് 50 ലക്ഷം രൂപയും മമ്മൂട്ടിയും ദുല്ഖറും ചേര്ന്ന് 35 ലക്ഷം രൂപയുമാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തിരിക്കുന്നത്. ജോജു ജോര്ജ് 5 ലക്ഷം രൂപയാണ് സംഭാവന നല്കിയത്.
ലുലു ഗ്രൂപ്പ് ഉടമ എംഎ യൂസഫലി, കല്ല്യാണ് ജുവലേഴ്സ് ഉടമ ടിഎസ് കല്ല്യാണരാമന് എന്നിവര് 5 കോടി വീതവും ദുരിതാശ്വാസ നിധിയിലേക്ക് സംഭാവന ചെയ്തിരുന്നു. വിഴിഞ്ഞം പോര്ട്ട് അദാനി ഗ്രൂപ്പ്, കെഎസ്എഫ്ഇ എന്നിവരും 5 കോടി വീതം സംഭാവന നല്കിയിരുന്നു.
Facebook
Twitter
