സഹപാഠിയായ പെണ്കുട്ടിയെ വീഡിയോകോള് ചെയ്ത് 21കാരന് തൂങ്ങിമരിച്ചു
സഹപാഠിയായ പെണ്കുട്ടിയെ വീഡിയോ കോള് ചെയ്ത് യുവാവ് തൂങ്ങിമരിച്ചു. 21കാരനായ ഇടുക്കി കുമളി സ്വദേശി അഭിജിത്ത് ഷാജി ആണ് മരിച്ചത്. തിരുവല്ല തിരുമൂലപുരത്ത് വാടക വീട്ടിലെ മുറിക്കുള്ളിലാണ് മൃതദേഹം കണ്ടെത്തിയത്. ജര്മന് ഭാഷാ പഠനത്തിനായാണ് അഭിജിത്ത് തിരിവല്ലയിലെത്തിയത്. ക്ലാസിലെ സഹപാഠിയായ 19കാരിയെ വീഡിയോ കോളില് വിളിച്ചുനിര്ത്തിയശേഷം കഴുത്തില് കുരുക്കിട്ട് ജീവനൊടുക്കുകയായിരുന്നു.
തിരുമൂലപുരത്തെ വാടക വീട്ടിലെത്തി പെണ്കുട്ടി നോക്കിയപ്പോഴേക്കും യുവാവ് മരിച്ചിരുന്നു. ഇവിടെനിന്നും പൊലീസ് സ്റ്റേഷനില് നേരിട്ടെത്തിയാണ് പെണ്കുട്ടി വിവരം അറിയിച്ചത്. കുമളി സ്വദേശികളായ ഇരുവരും ദീര്ഘകാലമായി അടുപ്പത്തിലായിരുന്നു എന്നാണ് പോലീസ് പറയുന്നത്. സുഹൃത്തുക്കളായ ആണ്കുട്ടികളോട് പെണ്കുട്ടി ഇടപഴകുന്നത് അഭിജിത്തിന് ഇഷ്ടമല്ലായിരുന്നു. ഇതിനെ ചൊല്ലി പലതവണ ഇരുവരും തമ്മില് തര്ക്കമുണ്ടായി.
പല തവണ തന്നെ ദേഹോപദ്രവം ഏല്പ്പിച്ചിരുന്നു എന്നും പെണ്കുട്ടി മൊഴില് പറയുന്നു. ഒടുവില് വിവരം പെണ്കുട്ടി രക്ഷിതാക്കളെ അറിയിച്ചു. തുടര്ന്ന് പ്രണയബന്ധത്തില്നിന്നും പിന്മാറുന്നതായി യുവാവിനോട് പറയുകയും ചെയ്തു. ഇതാണ് ആത്മഹത്യയിലേക്കു നയിച്ചത് എന്നാണ് പൊലീസിന്റെ പ്രാഥമിക നിഗമനം.
Facebook
Twitter
