യുകെയിലെ റെഡിങില് മരിച്ച കോട്ടയം കുറവിലങ്ങാട് സ്വദേശി സാബു മാത്യുവിന്റെ (35) സംസ്കാരം 17ന് യുകെയില് നടക്കും. സാബു മാത്യു ഏറെ കാലം ജീവിച്ച റെഡിങില് തന്നെ പൊതു ദര്ശനവും സംസ്കാരവും നടത്താനാണ് പ്രിയപ്പെട്ടവര് തീരുമാനിച്ചിരിക്കുന്നത്.
ചൊവ്വാഴ്ച രാവിലെ 10ന് റെഡിങിലെ ടില്ഹസ്റ്റ് സെന്റ് ജോസഫ് ദേവാലയത്തിലാണ് സംസ്കാര ശുശ്രൂഷകള് നടക്കുക. പൊതു ദര്ശനത്തിന് ശേഷം ഹെന്ലി റോഡ് സെമിത്തേരിയില് സംസ്കാരം നടക്കും.
റെഡിങിലെ റോയല് ബെര്ക്ക്ഷെയര് എന്എച്ച്എസ് ആശുപത്രിയിലെ സ്റ്റാഫ് നഴ്സായിരുന്ന സാബു മാത്യു ഹൃദയാഘാതത്തെ തുടര്ന്ന് കഴിഞ്ഞ നവംബര് 24നാണ് മരിച്ചത്. ഇതേ ആശുപത്രിയില് തന്നെ നഴ്സായ ഭാര്യ ഷാന്റി ജോണ് ജോലി കഴിഞ്ഞു വീട്ടിലെത്തിയപ്പോള് സാബുവിനെ അബോധാവസ്ഥയില് കണ്ടെത്തുകയായിരുന്നു. ഉടന് അടിയന്തര മെഡിക്കല് സേവനം തേടിയെങ്കിലും ജീവന് രക്ഷിക്കാനായില്ല.
കുറവിലങ്ങാട് കളത്തൂര് പുളിയംതോട്ടില് പരേതരായ പി എം മാത്യുവിന്റെയും റോസമ്മ മാത്യുവിന്റെയും ഏഴു മക്കളില് ഇളയ മകനാണ് സാബു മാത്യു. 2003 ലാണ് സാബുവും കുടുംബവും യുകെയിലെത്തിയത്.യൂണിവേഴ്സി വിദ്യാര്ത്ഥിനിയായ ജൂണ, സിക്സ്ത് ഫോം വിദ്യാര്ത്ഥിയായ ജ്യുവല് എന്നിവരാണ് മക്കള്.
Facebook
Twitter
