400 കോടി മുതല്‍ മുടക്കില്‍ ഒരുങ്ങിയ രാംചരണ്‍ ഷങ്കര്‍ ചിത്രം നിരാശപ്പെടുത്തി ?

400 കോടി മുതല്‍ മുടക്കില്‍ ഒരുങ്ങിയ രാംചരണ്‍ ഷങ്കര്‍ ചിത്രം നിരാശപ്പെടുത്തി ?
രാംചരണിനെ നായകനാക്കി ഷങ്കര്‍ സംവിധാനം ചെയ്യുന്ന ബിഗ് ബഡ്ജറ്റ് പൊളിറ്റിക്കല്‍ ചിത്രമാണ് ഗെയിം ചേഞ്ചര്‍. 400 കോടി മുതല്‍ മുടക്കില്‍ ഒരുങ്ങിയ ചിത്രത്തിന് തണുപ്പന്‍ പ്രതികരണമാണ് ലഭിക്കുന്നത്. ആദ്യദിനം പിന്നിടുമ്പോള്‍ ചിത്രം ഇന്ത്യന്‍ ബോക്‌സ് ഓഫീസില്‍ നിന്ന് 50 കോടിയിലധികം രൂപ നേടിയതായാണ് റിപ്പോര്‍ട്ട്. പ്രമുഖ ട്രാക്കര്‍മാരായ സാക്‌നില്‍കിന്റെ ആദ്യ കണക്കുകള്‍ അനുസരിച്ച് ചിത്രം തെലുങ്ക് സംസ്ഥാനങ്ങളില്‍ നിന്ന് മാത്രം 42 കോടിയിലധികം രൂപ നേടി കഴിഞ്ഞു. ചിത്രത്തിന്റെ ഹിന്ദി പതിപ്പ് ഏഴ് കോടിയോളം നേടിയപ്പോള്‍ തമിഴ് പതിപ്പ് 2.1 കോടിയും കന്നഡയും മലയാളവും യഥാക്രമം ഒരു ലക്ഷവും 50 ലക്ഷവും നേടി.

ഷങ്കറിന്റെ മുന്‍ ചിത്രമായ ഇന്ത്യന്‍ 2 വിനേക്കാള്‍ ഗെയിം ചേഞ്ചര്‍ മികച്ചു നില്‍ക്കുന്നുവെങ്കിലും സംവിധായകന്റെ സ്ഥിരം സിനിമകളെ പോലെ ഉയരാന്‍ ചിത്രത്തിന് സാധിച്ചില്ലെന്നാണ് പലരും സിനിമയെക്കുറിച്ച് പറയുന്നത്. സിനിമയിലെ ആദ്യ പകുതിയിലെ റൊമാന്‍സ് സീനുകളും കോമഡി ട്രാക്കും നിരാശപ്പെടുത്തിയെന്നും ചിത്രം കണ്ടവര്‍ സോഷ്യല്‍ മീഡിയയില്‍ കുറിക്കുന്നുണ്ട്. സിനിമയുടെ രണ്ടാം പകുതി ആദ്യ പകുതിയേക്കാള്‍ ഭേദപ്പെട്ടതാണെന്നും എന്നാല്‍ ഷങ്കറിന്റെ തന്നെ മുന്‍ സിനിമകളെ ഓര്‍മിപ്പിക്കും വിധം പ്രെഡിക്റ്റബിള്‍ ആണ് സിനിമയെന്നും അഭിപ്രായങ്ങളുണ്ട്.

മോശം പ്രതികരണങ്ങള്‍ക്കിടയിലും രാം ചരണിന്റെയും പ്രകടനത്തിനും തമന്റെ സംഗീതത്തിനും മികച്ച അഭിപ്രായങ്ങള്‍ ആണ് ലഭിക്കുന്നത്. രണ്ടാം പകുതിയിലെ ഫ്‌ലാഷ്ബാക്കിലെ രാംചരണിന്റെ പ്രകടനം മികച്ചുനിന്നുവെന്നും ചിത്രം കഥാപരമായി പിന്നോക്കം പോകുമ്പോഴും രാംചരണിന്റെ പ്രകടനമാണ് സിനിമയെ പിടിച്ചുനിര്‍ത്തുന്നതെന്നും ചിലര്‍ അഭിപ്രായം പങ്കുവയ്ക്കുന്നുണ്ട്.

Other News in this category



4malayalees Recommends