ദേശീയതയുടെ പ്രതീകമായ ഇന്ത്യന്‍ പാതകയും ഇന്ത്യന്‍ നാഷണല്‍ കോണ്‍ഗ്രസിന്റെ ത്രിവര്‍ണ്ണ കൊടിതോരണങ്ങളും കൊണ്ട് കമനീയമായ വേദിയില്‍ സംഘടിപ്പിച്ച ചടങ്ങുകള്‍ ഓ ഐ സി സി (യു കെ) നാഷണല്‍ പ്രസിഡന്റ് ഷൈനു ക്ലെയര്‍ മാത്യൂസ് ചടങ്ങിന്റെ ഉദ്ഘാടനം നിര്‍വഹിക്കുകയും റിപ്പബ്ലിക് ദിന സന്ദേശം നല്‍കുകയും ചെയ്തു. ഓ ഐ സി സി (യു കെ) നാഷണല്‍ കമ്മിറ്റി ഔദ്യോഗിക വക്താവ് റോമി കുര്യാക്കോസ് ആമുഖ പ്രഭാഷണം നടത്തി.
ഓ ഐ സി സി (യു കെ) ബോള്‍ട്ടന്‍ യൂണിറ്റ് പ്രസിഡന്റ് ജിബ്‌സണ്‍ ജോര്‍ജ് ചടങ്ങില്‍ അധ്യക്ഷത വഹിച്ചു.
പ്രവാസലോകത്താണെങ്കിലും വളര്‍ന്നു വരുന്ന പുതു തലമുറ നമ്മുടെ ദേശീയതയും പാരമ്പര്യങ്ങളായ ദേശീയ ചിഹ്നങ്ങള്‍, ദേശീയ പതാക തുടങ്ങിയവയുടെ രൂപവും ശ്രേഷ്ഠതയും പ്രാധാന്യവും മനസിലാക്കുന്നതിനും ഉള്‍ക്കൊള്ളുന്നതിനുമായി റിപ്പബ്ലക് ദിനാചാരണത്തിന്റെ ഭാഗമായി 'റിപ്പബ്ലിക് ദിന തീം' ആസ്പദമാക്കി കുട്ടികള്‍ക്കായി ക്രമീകരിച്ച 'കളറിങ് മത്സരം' വലിയ പങ്കാളിത്തത്തില്‍ നടത്തപ്പെട്ടതും ശ്രദ്ധേയമായി. വിജയികള്‍ക്കുള്ള സമ്മാനദാനം നാഷണല്‍ പ്രസിഡന്റ് ഷൈനു ക്ലെയര്‍ മാത്യൂസ് നിര്‍വഹിച്ചു.
ഓ ഐ സി സി (യു കെ) നാഷണല്‍ കമ്മിറ്റി അംഗം ബേബി ലൂക്കോസ്, യൂണിറ്റ് വൈസ് പ്രസിഡന്റ് ബിന്ദു ഫിലിപ്പ്, അക്റിങ്റ്റണ്‍ യൂണിറ്റ് പ്രസിഡന്റ് അരുണ്‍ പൗലോസ് തുടങ്ങിയവര്‍ സംസാരിച്ചു.
Facebook
Twitter
