യുഎഇയിലെ പ്രധാന ആകര്‍ഷണങ്ങളിലൊന്നായ ദുബായ് ഫൗണ്ടന്‍ താല്‍ക്കാലികമായി അടച്ചിടുമെന്ന് ഇമാര്‍ പ്രോപ്പര്‍ട്ടീസ് അറിയിച്ചു. നവീകരണ പ്രവര്‍ത്തനങ്ങള്‍ക്കായി അഞ്ച് മാസത്തേക്കാണ് അടച്ചിടുക. മെച്ചപ്പെട്ട പ്രകാശ, ശബ്ദ സംവിധാനങ്ങളൊരുക്കി സന്ദര്‍ശകര്‍ക്ക് മികച്ച അനുഭവം സാധ്യമാക്കാനാണ് ഈ താല്‍ക്കാലിക അടച്ചിടലെന്ന് ഇമാര്‍ പ്രോപ്പര്‍ട്ടീസ് അധികൃതര്‍ അറിയിച്ചു.
ഈ വര്‍ഷം മെയ് മുതലാണ് ഫൗണ്ടന്‍ അടച്ചിടുന്നത്. ബുര്‍ജ് ഖലീഫയ്ക്കും ദുബായ് മാളിനും സമീപത്തായി ഡൗണ്‍ ടൗണിലാണ് ദുബായ് ഫൗണ്ടന്‍ സ്ഥിതി ചെയ്യുന്നത്. ജലവും പ്രകാശവും സം?ഗീതവും സമന്വയിപ്പിച്ചുള്ള ജല നൃത്തം കാണാനായി ഓരോ വര്‍ഷവും ലക്ഷക്കണക്കിന് സന്ദര്‍ശകരാണ് ഇവിടെ എത്തുന്നത്.
Facebook
Twitter
