കൂടുതല്‍ ഇന്ത്യക്കാര്‍ക്ക് ഓണ്‍ അറൈവല്‍ വിസ സൗകര്യം അനുവദിച്ച് യുഎഇ. തെരഞ്ഞെടുക്കപ്പെട്ട ആറ് രാജ്യങ്ങളിലെ സാധുതയുള്ള താമസ വിസ, റെസിഡന്‍സി പെര്‍മിറ്റ്, അല്ലെങ്കില്‍ ഗ്രീന്‍ കാര്‍ഡ് ഇവ കൈവശമുള്ള ഇന്ത്യക്കാര്‍ക്ക് കൂടി യുഎഇയില്‍ ഇനി ഓണ്‍ അറൈവല്‍ വിസ ലഭ്യമാകും.
ഇതോടെ കൂടുതല്‍ ഇന്ത്യക്കാര്‍ക്ക് മുന്‍കൂര്‍ വിസയില്ലാതെ യുഎഇയിലേക്ക് യാത്ര ചെയ്യാനാകും. സിങ്കപ്പൂര്‍, ജപ്പാന്‍, സൗത്ത് കൊറിയ, ആസ്‌ട്രേലിയ, ന്യൂസിലാന്‍ഡ്, കാനഡ എന്നീ രാജ്യങ്ങളിലെ റെസിഡന്‍സി വിസയുള്ള ഇന്ത്യക്കാര്‍ക്കാണ് യുഎഇയില്‍ ഇനി ഓണ്‍ അറൈവല്‍ വിസ ലഭിക്കുക. നേരത്തേ യുഎസ്, യുകെ, യൂറോപ്യന്‍ യൂണിയന്‍ രാജ്യങ്ങളുടെ താമസവിസയുള്ള ഇന്ത്യക്കാര്‍ക്കാണ് യുഎഇയുടെ ഓണ്‍ അറൈവല്‍ വിസ സൗകര്യം ലഭിച്ചിരുന്നത്.
ഈ തീരുമാനത്തിലാണ് മാറ്റം വന്നിരിക്കുന്നത്. ഫെബ്രുവരി 13 മുതല്‍ പുതിയ തീരുമാനം പ്രാബല്യത്തിലായി. സിങ്കപ്പൂര്‍, ജപ്പാന്‍, സൗത്ത് കൊറിയ, ആസ്‌ട്രേലിയ, ന്യൂസിലാന്‍ഡ്, കാനഡ എന്നീ രാജ്യങ്ങളിലെ താമസ വിസയോ ഗ്രീന്‍ കാര്‍ഡോ ഉള്ള ഇന്ത്യന്‍ പാസ്‌പോര്‍ട്ട് ഉടമകള്‍ക്ക് ഫെബ്രുവരി 13 മുതല്‍ യുഎഇയിലേക്കുള്ള പ്രവേശന പോയിന്റുകളില്‍ വിസ ഓണ്‍ അറൈവല്‍ സൗകര്യം തുടങ്ങി.
Facebook
Twitter
