കോഴിക്കോട്ട് മകന്‍ അച്ഛനെ കുത്തിക്കൊന്നു; എട്ടുവര്‍ഷം മുന്‍പ് അമ്മയെ കൊലപ്പെടുത്തിയത് മറ്റൊരു മകന്‍
കോഴിക്കോട് ബാലുശ്ശേരി പാനായിയില്‍ മകന്‍ അച്ഛനെ കുത്തിക്കൊന്നു. ചനോറ അശോകന്‍ (70) ആണ് മരിച്ചത്. പ്രതിയായ മകന്‍ സുബീഷിനെ കാണാനില്ല. തിങ്കളാഴ്ച ഉച്ചയോടെയാണ് സംഭവം. വൈകിട്ട് വീട്ടില്‍ ലൈറ്റ് കാണാഞ്ഞതിനെ തുടര്‍ന്ന് അയല്‍വാസി വന്നുനോക്കിയപ്പോഴാണ് രക്തത്തില്‍ കുളിച്ചുകിടക്കുന്ന അശോകനെ കണ്ടത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.
എട്ട് വര്‍ഷം മുമ്പ് അശോകന്റെ ഭാര്യയെ മറ്റൊരു മകന്‍ കൊലപ്പെടുത്തുകയും പിന്നാലെ ജീവനൊടുക്കുകയും ചെയ്തിരുന്നു. മാനസികാസ്വാസ്ഥ്യം പ്രകടിപ്പിക്കാറുള്ള സുബീഷ് ലഹരി ഉപയോഗിച്ചിരുന്നുവെന്നാണ് നാട്ടുകാര്‍ പറയുന്നത്. നേരത്തെ അമ്മയെ കൊന്ന മകനും ലഹരി ഉപയോഗിച്ചിരുന്നു.
Facebook
Twitter
